Diyarname
Tîma Şaredariya Bajarê Mezin a Amedê Dîskîspor li Rihayê Ş.Urfa Belediye 4-1 têk bir û di lîga duyem de ma.

Tîma Şaredariya Bajarê Mezin a Amedê Dîskîspor yekem car par ji Lîga 3'yem derkete Lîga 2'yem û îsal di Koma 5'an a Lîga Duyem de dilîst. Armana Dîskîspor ew bû ku di Lîga 2'yem de bimîne, komê ev armanca xwe bi cih anî.
Di maça vê hefteyê de Dîskîspor û Ş.Urfa B.Belediye hatin hemberî hev. Dîskîsporê bi golên Mansur (deqîqe 25), Sezer (dq 28) û kaptan Azad Akin (dq. 72 û 75) 4-1 bi ser ket. Bi vê encamê Dîskîspor di Lîga Duyem de ma û tîmên Hatayspor û K.Maraşspor ji Lîga Duyem ketin Lîga Sêyem.

Serokê Klûba Dîskîspor Sabahattin Kizilkan li ser vê encamê kêfxweşiya xwe ya ku di lîgê de man anî ziman û got; "Em vê serketina xwe diyarî Şaredarê Bajarê Mezin ê Amedê birêz Osman Baydemîr û gelê Amedê dikin. Me soz dabû Serok Baydemîr û me soza xwe anî cih."

Ji malpera şaredariyê hatiye girtin