Diyarname

Fînala Kûpaya Tirkiyeyê îro ye. Belê du tîm bi hev re dilîzin lê bandora wê dê li 5 tîman be.

Maça fînalê ya Kûpaya Tirkiyeyê di navbera Antalya Spor û Beşîktaşê de ye. Di nîv fînalê de Beşîktaşê Başakşehîr, Antalyayê jî Alanya têk biribû û hatibû fînalê. Îro saet 20.45'an de her du tîm dê bi hev re bilîzin.

Dê bi hev re bilîzin, ji wan yek dê kûpayê bibe mala xwe lê encamê wê muhîm e ji ber ku ji bo tîmên dê herin Kûpayên Ewropayê muhîm e, lewma ev yek dê bandorê li Fenerbahçe, Trabzon û Sîvas Sporê bike.

Lîga Super a Tirkiyeyê bi dawî bû û Beşîktaş bû Şampiyon, Galatasaray bû duyemîn. Her du tîm ji bo Kûpaya Lîga Şampiyonan dê beşdarî maçên pêşhevtêkbirinê bibin. Dûre bi rêzê Fenerbahçe (FB), Trabzon (TS) û Sivas tê. Ger Antalya di maçê de bi ser bikeve dê beşdarî Lîga Ewropa bibe û Fenerbahçe û Trabzon dê beşdaî Lîga Konferansê bibin. Lê Beşîktaş bi ser bikeve vê carê tîma sêyemîn FB dê here Lîga Ewropa û TS û Sivas dê herin Lîga Konferansê.

Yalçin jî Yanal jî dixwaze

Her du tîm di maçên îsal de nekarîn bi hev, her du maçên wan jî bi 1-1'î bi dawî bûbûn. Teknîk Dîrektore Beşîktaşê Sergen Yalçin e. Yalçinê ku wekî teknîk dîrektor îsal yekemîn car bû şampiyon, yekemîn kûpaya xwe bi dest xist, dixwaze Kûpaya Tirkiyeyê jî bigire ku navê xwe qewîmtir bike. Ersun Yanalê ku di dema Fenerbahçeyê de bûbû şampiyon, ew jî dixwaze bibe xwedî Kûpaya Tirkiyeyê jî. Yanal di sala 2003, 2004'an de dema Teknîk Dîrektorê Gençlerbîrlîgî bû du caran derket fînalê lê bi ser nekit.

Beşîktaşî kûpaya diduyan jî girt

Di maça fînalê li Îzmîrê li dar ket de Beşîktaşî tîma Antalyayê bi 2-0 têk bir û kûpaya xwe girt. Di deqîqeya 2'yan de Josef de Souza, di deqîqeya 30 de Atîba Huthinsonî li ser navê Beşîktaşî gol avêt û maç bi vî awayî bi dawî bû. Piştî şamiyoniya Lîga Super, Kûpaya Tirkiyeyê jî çû muzeya Beşîktaşê. Bû 10 caran Beşîktaş vê kûpayê dibe muzeya xwe.
Sergen Yalçin ket nav dîrokê

Teknîk Dîrektor Sergen Yalçinî bi du kûpayan sal temam kir. Bi vê yekê Yalçin ket nav dîroka Beşîktaşê. Li gor daneyên Opta di dîroka Beşîktaşê de heta niha tenê Gorgon Milne (1989-90) û Mustafa Denizli (2008/09) de hem kupaşa Lîga Super û Kûpaya Tirkiye bi dest xistibûn. Sergen Yalçin jî bi her du kûpayan bû sêyemîn teknîk dîrektor ku salê bi du kûpayan temam dike.

Bi vê serketinê re maf ket destê Fenerbahçeyê ku beşdarî Lîga Ewropayê bibe. (Ev agahî piştî bidawîbûna maçê li vê nûçeyê hatiye zêdekirin)