Cemil OGUZ

40'emîn Festîvala Fîman a Navneteweyî ya Stenbolê didome. Festîvala ku ji ber pandemiyê îsal jî online li dar dikeve kiribûn sê beş. Para yekem meha borî li dar ketibû û fîlmên ji derveyî Tirkiyeyê anîbûn nîşan dan. Beşek ji wan vê mehê jî dom kirin. Û niha beşa nîşandayîna Pêşbaziya Kurtefîlman a Neteweyî, Pêşbaziya Belgefîlman a Neteweyî dest pê kir. Beşa sêyem jî meha pêşiya me bi nîşandayîna Pêşbaziya Fîlmên Metrajdirêj a Neteweyî temam bibe.

Di beşa Pêşbaziya Kurtefîlman de 13 kurtefîlm hene û ew wekî "Bername 1" û "Bername 2" di du parçeyan de bi hev re têne nîşandayîn. Ev her du parçe 22, 23 û 24'ê mehê têne nîşandayîn.

Di beşa Pêşbaziya Belgefîlman de jî 9 belgefîlm hene û jî her roj têne nîşandayîn. Roja 22'yê mehê dest pê kir û heta 30'yê mehê têne nîşandayîn.

BELGEFÎLMÊ HESKÎFÊ

Di nav Pêşbaziya Kurtefîlman de kurtefîlmê derhênerê kurd  Serhat Karaaslan ê bi navê "Suçlular" jî heye. Fîlmê ku di Festîvala Fîlman a Sundance de bal kişandibû ser xwe, çîroka du ciwanên hezkiriyên hev nîşan dide. Li aliyê din kurtefîlmê Mahsun Taşkin ê bi navê "Binbir Gece” (Hezar û Yek Şevê) jî di vê beşê de di pêşbaziyê de ye. Fîlm bi yek ji çîroka çîrokên hezar û yek şevê hezkirina zarokakî kurd ji bo xwendina pirtûkan tîne ber çavan. 

Di nav Pêşbaziya Belgefîlman de jî belgefîlmê derhêner Elîf Yîgît heye ku li ser Heskîfê kişandiye.

Vaye bernameya belgefîlman:

- 22 Gulan 2021 Şemî / Ruzgâr Tayi / Derhêner Sidar İnan Erçelik

- 23 Gulan 2021 Yekşem / Guneşte Bir An / Derhêner  / Leslie Ortabaşi, Oktay Ortabaşi

- 24 Gulan 2021 Duşem / Hasankeyf / Heskîf / Derhêner Elif Yîgît

- 25 Gulan 2021 Sêşem / Gurbet Artik Bir Ev / Derhêner Pinar Oğrenci

- 26 Gulan 2021 Çarşem / Hem Musluman Hem Feminist / Derhêner Nebiye Ari

- 27 Gulan 2021 Pêncşem / Anima / Derhêner Yusuf Emre Yalçin

- 28 Gulan 2021 ÎN / Patrida / Derhêner Ayça Damgaci, Tumay Goktepe

- 29 Gulan 2021 Şemî / Merhaba Canim / Derhêner Ulaş Tosun

- 30 Gulan 2021 Yekşem / Nosema / Derhêner Etna Ozbek

***

Nûçeyên Eleqedar:

- Kurtefîlm û belgefîlmên pêşbaziyê diyar bûn 

- Fîlmên vê mehê yên Festîvala Stenbolê li benda temaşevanan in 

- Xelatên ‘Koprude Buluşmalar’ hatin belavkirin 

- Fîlmên Festîvalê li benda temaşevan in 

- Li fîlmên rengîn ên Hitchcock temaşe bikin

- Festîvala Fîlman a Stenbolê dest pê dike

- Festîvala Stenbolê navê Serokê Juriya Neteweyî eşkere kir 

- Bi ser online re fîlmên ji festîvalên navdar hatine têne nîşandayîn 

- Ji bo Festîvala Stenbolê dema serîlêdanê dest pê kir