Enqere
Hevseroka BDP'ê Gultan Kişanak îro di civîna Koma Meclisê ya BDP'ê de axivî û bang li Serokwezîr Recep Tayyip Erdogan kir:

"Serokwezîr bila derkeve lîsteya (qala lîsteya ku tê gotin 1400 kesên din dê bên girtin) xwe eşkere bike. Di lîsteyê de 10 hezar kes hene, 15 hezar hene. Emê vê lîsteyê temam bikin. Di serî de jî mebûsên BDP'ê û yên blokê. Bila bi girtina me dest bi girtinan bike. Bila gelê ku dengê xwe dane me tehdîd neke. Ev gel bi berxwedanê, bi rûmeta xwe heta vê derê hatiye, ji niha û pêde jî dê wisa be."

Kişanak gotina Seyîd Riza ya wekî "Min nikarî bi hîleyan we, ev ji bo min bû derd. Lê min jî li ber we çok neda ev jî bila ji we re bibe derd" bibîr anî û got: "Emê li hemberî we çok nedin. Hûn 10 hezar kesî bigirin bin çavan jî emê çok nedin. Niha 5 hezar endam û rêveberên me di bin çavan de ne. Zemanekî di bêrîka Tansu Çiller de lîsteya înfazê ya 100 kesî hebû. Niha di bêrîka Erdogan lîsteya înfaza siyasî ya bi hezaran kesî heye. Polîsên AKP'ê derketine nêçîra kurdan."