Diyarname

Di maçên Koma de îro pêşî maçên Koma E hatin lîstin. Spanyayê bi tam temamî 5 gola vêtin Slovakyayê, di maça din de jî Swêdê bi 3-2 Polonya têk bir. Spanya û Swêd ji komê derketin.

Berî maçên Koma E dest pê bikin rewşa li komê wisa bû: Swêd 4, pûan Slovakya 3 Pûan,  Spanya 2 pûan û Polonya tenê xwedî pûanek bû. 

SWÊD WEKÎ YEKEMÎN DERKET

Ji bo Swêdê zêde ne muhîm bû. Bi 4 pûanên heyî bi awayê herî xirab jî dîsa dikarî wekî "Sêyemînê serketî" ji komê derê, lê bi pûanek û 3 pûanan jixwe kêf dibû kêfa wan. Swêdê bi 3-2 Polonya şand mal. Swêdê di deqîqeya 2'yan de bi gola Forsberg 1-0 derket pêş. Nîveka yekemîn bi vî awayî bi dawî bû. Di deqîqeya 59'an de dîsa Forsberg li ser dikê bû: 2-0. Polonyayê di deqîqeya 61 û 84'an de bi Lewandowski bersiv da, maç anî 2-2'yan jî lê di deqîqeya 90'î de Claessonê hêviya Polonyayê şikand.

BI 5 GOLAN DILÊ XWE GEŞ KIRIN

Spanya ku yek ji tîmên serketî yê Ewropayê ye jêre teqes serketin lazim bû. Spanyaya ku di 2 maçan de tenê golek avêtibû û tenê 2 pûan bi dest xistibû, di vê maçê de teqiya: Tam 5 gol avêtin, sê pûanên paqij kirin bêrîka xwe û bi 5 pûanan wekî duyemînê komê derbasî Dora 16'an bû.

Di encamê de Swêd wekî yekemînê komê, Spanya jî wekî duyemînê komê derbasî Dora 16'an bûn.