Diyarname
Di du hefteyan de 4 maçên di Lîga Neteweyan a UEFA'yê de hatin lîstin. Tirkiye di her çar maçan de jî têk çû û bi "0" pûanê ev meh temam kir. Maça dawî li Îtalyayê bû, Tirkiye bi 3-1 têk çû.

Maça Îtalya û Tirkyeyê li Stada Renato Dall'Ara ya li Bolonyaya Îtalyayê hat lîstin.
Di deqîqeya 26'an de Îtalya bi golan Scamacca 1-0 derket pêş û 45 deqeyên pêşî wisa xilas bûn. Dûre deqeyê 61'ê de Tirkiyeyê bi Aral Şimşir bersiv da: 1-1.
Piştî vê bi 3 deqeyan Îtalya vê carê bi Calafiori encam anî 2-1'ê û di deqîqeya 87'an de Pio Esposito encam diyar kir: 3-1.
Hefteya borî di maça li Tirkiyeyê de Îtalya bi 4-1 bi ser ketibû.

DAXWAZA ÎSTÎFAYÊ
Heta niha li Tirkiyeyê teknîk dîrektorek di 4 maçan de ser hev de têk çûbe û îstîfa nekiribe tune ye, lê teknîk dîrektorê Tirkiyeyê Vincenzo Montella îstîfa nekir. Rexnegirên sporê yên Tirkiyeyê ji hefteya borî ve berê tîran dabûn Montella, lê îro çapemeniya Îtalyayê rewşa wî wekî krîtîk nirxandin. Sportmediaset got, "Kursiya Mantella di talûkeyê de ye".

10 DEQE TÊRA FRANSAYÊ KIR
Maça balkêş a Koma A di navbera Fransa û Belçîkayê de bû. Di maça li Stade de France de hate lîstin de Belçîka di deqîqeya 35'an de bi Dodi Lukebakio 1-0 derket pêş. Fransa di deh deqeyên dawî de hat ser xwe. Di deqîqeya 77'an de bi Doue bersiv da û encam bû 1-1.
Di deqîqeya 82'yan de Rayan Cherki, di deqîqeyên 88 û 90+1 de Michael Olise du gol avêtin û Fransa bi 4-1 bi ser ket.
Piştî van encaman di komê de Fransa bi 10 pûanan lîderiya xwe dom kir, Îtalya bi 7 pûanan dûre tê û Belçîka di 6 pûanan de ma. Tirkiye qet pûanên wê tune ne.

Maçên Lîga Neteweyan ji bo vê mehê îro temam dibin. Di 12'yê meha pêşiya me maçên din wê bêne lîstin.