Diyarname
Îro li Tesîsên Şehmur Ozer rêveberên Amedsporê daxuyanî dan çapemeniyê.
Li ser dibistanên fûtbolê yên Amedsporê, E-store agahî dan çapemeniyê.
Va ne hin notên ji wê daxuyaniyê:

'DIBISTANÊN FÛTBOLÊ TÊNE AVAKIRIN'
Ji Dibistanên Fûtbolê yên Amedsporê Nurullah Edemen bûye berpirs Edemen ku berê serokatiya klûbê kiribû, wisa got, 
- Ji îro pêre Dibistanên Fûtbolê yên Amedsporê hatine vekirin û dest bi qeydan kirine.
- Yên ku bixwazin dibistanên fûtbolê vekin dikarin serî li klûbê bidin. Akif Gozmen û koma wî ji vê beşê berpirsiyar e.
- Serîlêdan dê bêne nirxandin, li rewşa bajarên ku lê bêne çêkirin dê bê nirxandin. Dibistanên futbolê dê bi pere bin. Lê ji bo zarokên ku jîrekî pêre heye û rewşa wan a aboriyê nîn e dê bê pere bigire nava perwerdehiyê.
- Ger daxwaz hebe li bajarên din jî hebe li çar aliyên Tirkiyeyê dê dibistan bêne vekirin.

ME XWE GIHAND CIWANÊN 17 BAJARAN
Berpirsê tîmên jêrîn ê Amedsporê Sertaç Kuçukbayrak jî wisa got
- 15 meh in ji bo tîmên jêrîn ên Amedsporê xebat hene. Em dixebitin. Di 15 mehan de me bi awayekî fîzîkî hin serketin bi dest xistin. Em li ser bawerî û nirxên Amedsporê dixebitin. Tîmeke me ya di Lîga PAF'ê (Lîga Fûtbolkarên Bernedam a Profesyoneliyê) de bi hêza xwe serketinê bi dest dixe heye.
- Li 17 bajaran me xwe gihand bi hezaran ciwanan. Me fûtbolîst gihandi. Li vir dema Dibistanên Sporê vebin ji bo tîmên jêrîn, dîsa ji bo Tîma A ev girîng e. Ez bawerim dê gelek serketin çêbe.

STORE TIR DIKEVE RÊ
Ji E-store berpirs rêveberê Amedsporê Taha Ulgen jî li ser vê beşê agahî dan. Va ne hin gotinên wî:
- STORE TIR di dawiya mehê de wê li bajarên din bigere.
- Li gor plana me li gelek bajarên Ewropayê dê Amedsporê bêne vekirin.
- Li Balafirgeha Amedê Amedspor Store dê bê vekirin.
- Li Wanê jî emê Amedspore vekin. Li gelek bajarên Tirkiyeyê jî Amedstore dê bê vekirin. Bi taybeti li bajarên werî Stenbol, Enqere, Îzmîr, Mêrsînê

FORMAYÊN BO EWROPAYÊ
- Sîstema firotina online ya ji bo welatên Ewropayê hate çalakkirin. Firotinên Ewropayê dê bi rêya malpera înternetê ya li Hannoverê bêne kirin.
- Me bi 3 qatan zêdetir formayên ji cihê kirîn bi xwe çêkirin û firotin. Amedspor dê êdî bi xwe formayên xwe çêbike û bifiroşe.

FORMAYÊN JI BO ZAROKAN
- Projeya me ya “Bila zarok bê forma nemînin” dest pê dike. ARmanc jê ew e zarok zêdetir bi formayên Amedsporê re bibin yek.

(Foto: Ajansa Welat)