Diyarname

Yek ji pêşengên kurdên Kafkasyayê, zanyar Nadir Nadirov di 89 saliya xw ede li Kazakistanê canê xwe ji dest da.

Bûka Nadirov ya bi navê Narîn Nadirova îro ji ser hesabê xwe yê twittirê re peyameke belav kir û got, "Mixabin min îro bavê xwe winda kir. Wateya gotinan nema."

Nadir Nadirov kî ye?

Zanyar Nadir Nadirov roja 6'ê rêbendana 1932'yan li herêma xweser a Nehçivanê hatibû dinê. Hê 5 saliya xwe de sirgûn dibe û ligel malbata xwe tê Kazakistanê.

Nadir Nadirov Beşa Biyolojî û kîmya ya Enstîtuya Pedagojî ya Dewletê a Gogol xwend. Piştî temamkirina dersa vir bû mamoste lê di sala 1956'an de derbasî Enstîtuya Lenînê ya li Moskovayê bû û li vir mastera xwe temam kir. Di sala 1967'an de di warê kîmyayê de doktoraya xwe temam kir. Wî sala 1970'yî de jî pênaseya profesorî girt. Nadirov ku di sala 1983'yan de pênaseya akedemîsyenî girt, ders da.

Zanyar Nadirov endamê konseya akademiya zanistê ya navneteweyî, Serokatiya Akademiya Endazyariya Kîmyayê ya Kazakistanê, endamtiya Konseya Rêveber a Zanîngeha Muhendizî ya Kazakistanê kir. Li ser petrol û gazê di kovarên wê derê de nivîsî, redaktoriya kovaran kir.

Ji ber zanyariya wî ya li ser petrol û gavê wekî "Bavê petrol û gavê" dihat bi nav kirin. Wî di jiyana xwe de di vî warî de 8 pirtûk nivîsandine. Ligel van 750 gotarên zanistî, 28 monografî, her wiha îmzeya xwe avêtiye bin 260 kifşên zanistî.

Pirtûka Nadirov a bi navê "Gaz û Petrola Kazanistanê" di sala 1996'an de xelata "Pirtûka Herî Serketî a Salê" girt.

Nadir Nadirov teknîka "bi bikaranîna enerjiya elektrîkê ji hev veqetîna molekulên avê ji petrolê" kifş kiribû. Bi vê kifşê û bi xebatên li ser petrolê yên li Kazakistanê ew hêjayî nîxaneya "Mereşalê Zanistê" hatibû dîtin. 

Nadir Nadirov ku di warê xebatên bo kurdî de jî gelek ked dabû, demekê di nav xebatên Kongreya Neteweyî ya Kurdistanê (KNK) jî de jî cih girtibû. Nadirov di sala 2012'an de bûbû Şêwirmendê Serokomarê Kazakistanê jî.