Diyarname

Şansolyeya Almanyayê Angela Merkel ev 16 sal in li ser kar û meha pêşiya me bi hilbijartinê re dê kursiya xwe teslîmê şansolyeyek din bike. Û kompaniyeke pêlîstokan ji bo bîranîna Merkel pêlîstokek hirçê çêkir ku dişibe Merkel. Pêlîstoka ku 40 santîm dirêj e bi 189 Euroyî xistin piyaseyê û di cih de hat firotin.

Kompaniya pêlîstokan Hermann-Spielwaren ku li bajarê Coburg a Eyaleta Bavyeraya Almanyayê ye hirçeke pêlîstokî ku tam bi temamî dişibe Merkel çêkir. 

Kompaniyê berê serokên berê yê DYA'yê Barack Obama, Şansolyeyê Almanyayê yê berê Helmut Schmidt û Kralîçeya 2'yemîn a Îngilistanê Elizabeth jî çêkiribû.

Midûrê Giştî yê saziyê Martin Hermann agahî dane rojnameya Bildê. Kompaniya ku ev 101 sal in heye ji vê pêlîstoka Merkel 500 heb çêkirine û gotine ew dê yekê ji bo Merkel jî bişînin. Pêlîstok bi 189 Euroyî xistin piyaseyê û çawa derxistin piyaseyê hemû hatin firotin jî.