Diyarname
8 fîlmên metrajdirêj ku dê di Festîvala Fîlman a Meletiyê de bikevin pêşbaziyê diyar bûn.

2'yemîn Festîvala Fîlman a Meletî îsal di navbera 18-24'ê sermawezê de li dar dikeve. Di festîvalê beşa Pêşbaziya Neteweyî ya Fîlmên Metrajdirêj de 8 fîlm bi hev re dikevin pêşbaziyê.
Pêşjuriya ku ji Prof. Dr. Oguz Onaran, Doç. Dr. Berrin Yanikkaya û Levent Cantek pêk dihat fîlmên dê bikevin pêşbaziyê diyar kirin.

Li gor daxuyaniya juriyê ev fîlm di nav pêşbaziya metrajdirêj de ne:

- Eylul / Cemil Agacikoglu
 
- Gelecek Uzun Surer / Ozcan Alper
 
- Kar Beyaz / Selim Guneş
 
- Kuçuk Gunahlar / Riza Kıraç
 
- Mar / Caner Erzincan
 
- Sakli Hayatlar / Haluk Unal
 
- Unutma Beni İstanbul / Kollektif (Derhênerê Artîstîk: Huseyin Karabey)
 
- Zenne / M. Caner Alper û Mehmet Binay
 
Di warê Fîlmê Metrajdirêj yê Herî Serketî, Derhênerê/a Herî Serketî, Lîstikvana Herî Serketî, Lîstikvanê Herî Serketî, Senaryoya herî Serketî û Muzîka Xweser a Herî Serketî, di 6 waran de dê xelat bê dayîn.

Jurî dê ji bo Fîlmê Herî Serketî dê Mişmişa Krîstal û 30 hezar TL, ji bo Derhênerê/a Herî Serketî jî peykerek û 10 hezar TL pere bide. Di beşên din de jî yên bi ser bikevin dê 6 hezar TL bigirin.
Di warê Kurtefîlmê Neteweyî yê Herî Serketî de jî digel peykera Mişmişa Krîstal dê 5 hezar TL jî wekî xelat bê dayîn.