DiyarName.Com

23.30

Li Mêrsînê dibistan hatin betalkirin

Vê êvarê piştî erdehên ku li Hatayê çêbûn Walîtiya Mêrsînê bi ser hesabê xwe Yê tora civakî re daxuyaniyeke nivîskî belav kir û got ku li bajarên wan ji bo rojek dibistan xistine betlaneyê. Yanê roja 21'ê mehê dê dibistan girtî bin.

23.10
Pêdivî bi 15 hezar konan heye

Şaredarê Samandagi Refik Eryilmaz got ku pêdiviya wan bi 15 hezar heba konan heye.

23.00
3 Kes mirin
Li erdheja nû ya li Hatayê çêbû li gor agahiyên pêşî 3 kes mirine. 213 birîndar hene.

21.30

Walîtîya Antalyayê hişyarî da

Di deqeya dawî de Walîtiya Antalyayê ji ber îhtîmala tsûnamî hişyarî da hemwelatiyên bajêr û got ji behrê dûr bikesinin.

Nexweşxaneya Antakyayê hat valakirin
Li aliyê din piştî vê erdhejê nexweşxaneya Antakyayê ji bo tevdîrê hat valakirin.

21.10

Walîtîya Mêrsînê hişyarî da

Di deqeya dawî de Walîtiya Mersînê bi îhtîmala tsûnamiyê gel hişyar kir ku ji behrê dûr bisekinin.

20.10

Deqeya dawî: Li Hatayê erdhejeke nû

Saet 20.04'an de navend Defneya Hatayê bi meziniya 6.4 erdhej çêbû. Heman kêliyê li Samandagi jî bi meziniya 5.8 erdhej çêbû.

Li gor AFAD'ê li Defneye erdhej li 16.7 kîlometre kûrahiya erd çêbûye. Li Samandagî li 7 kîlometre kûrahiyê çêbibe.
Erdhej li bajarên wekî Edene, Amed, dîsa li Sûriye, Misir û Lubnanê jî hat hîskirin.

Hişyariya tsunami

Li aliyê din EMSC'yê (Navenda Sîsmolojî ya Ewropa-Behra Spî) ji bo Hatayê hişyariya tsûnamî belav kir.

Navendê bi hişyariyê re got ku herin cihên bilind. Di erdheja 6'ê mehê de jî navendê hişyariya tsûnamî dabû, lê tiştek wisa neqewimî bû. Dîsa jî tiştek muhîm e mirov guh bide hişyariyan.

Platforma Amedê: Nekevin xaniyên xisar dîtî

Platforma Piştgirî û Parastina Bajêr a Amedê piştî erdheja duyemîn bi ser hesabê xwe re bang li gel kir: Ji kerema xwe re nekevin avahiyên xisar dîtî. Bi aramî tevbigerin û rêyên mezin ên erebeyan asteng nekin.

Li aliyê din platformê got ku heta niha li Amedê tu avahî hilneweşiya ye.

TMMOB'a Amedê jî bangî kesên malên wan li Taxa Mewlana Xalid in kir û got ku ji malên pir xisar dîtî û hindik xisar dîtî dûr biseknin.

16.00

9 kamyonên alîkariyan ên navneteweyî derbasî taxên Şêxmeqûsd û Eşrefiyê bûn.

Kamyonên alîkariyê di benda kontrolê ya Ewarid a di bin serweriya Firqeya 4ʹan a hikumeta Şamê de derbasî her du taxan bûn, piştre li pêşiya hola Efrîn a li herêma Şiqêf barê xwe danî.

Têkildarî mijarê, Komîteya Alîkariyan a taxên Şêxmeqsûd û Eşrefiyê diyar kir ku wê dest bi belavkirina alîkariyan (betanî, lihêf, kon, cilên zarokan, tiştên mitfaxê) bikin.

Li aliyê din, hikumeta Şamê ji 11`ê mehê ve nahêle ku karwanê alîkariyên mirovî yê Rêveberiya Xweser a Bakur û Rojhilatê Sûriyeyê bikevin herdu taxan. (ANHA)

15.00

Ji girtiyan ji bo sewqê pere xwestin

Girtîgeha Tîpa T ya Îslahiyeya Entabê di erdhejê de xisarek mezin dît. Girtiyan serî li rêveberiya girtîgeha da ku wan sewqî girtîgehek din bikin. Lê tiştê ku nehatiye dîtin û bihîstin çêbû: Rêvbeerê ji wan heqê rê xwest.

Girtiyekî bi navê Dilbari Karaagac li jina xwe Behiye Karaagac geriyaye û ev gotin gotine. Li aliyê din Karaagaç gotiye ku pêdiviyên wan ên wekî av, çûyîna kantînê jî nayên çareser kirin. Karaagaç wisa gotiye, "Rojê 4 şûşe avê didin me. Bi rojan e me serê xwe neşûştiye. Em nexweş dikevin ne doktor heye, ne derman."

14.00

Prof. Dr. Nacî Gorur li ser erdheja Elezîzê axivî

Vê sibê saet 03,37 û 03,39'an de du caran serhev de li Palûyê erdhej çêBû. Meziniya wah 4,7 û 4,6 bû. Vê yekê gel tirsan. Jeolog Prof. Dr. Naci Gorur li ser vê yekê axivî û got, "Piştî erdheja Mereşê li ser xetên fayê bar bar bû. Li ser van xetên fayê erdhejên mezin-biçûk dê çêbin. Ev erdhej nabin weKî erdheja Elezîzê. Xeta Fayê ya Rojhilatêanadoliyê ji ber ku li navbera Sîvrîce-Meletî şikiya, li ser vê fayê li rojhilatê Elezîzê berê li Çewligê 1971 û 2003, li Palûyê 1977, li Sîvrîceyê 2020 û her wekî din erdhej çêBûn, loma ez li Elezîzê ne li benda erhejeke din a mezin im."

13.30

AFAD'ê agahî nû kir

AFAD'ê îro saet 13.20'an de hejmara nû ya li ser kesên mirine eşkere kir. Li gor agahiya fermî ya AFAD'ê heta niha 41 hezar û 156 kesî canê xwe ji dest daye.

11.15

Rewşa erebeyên di bin erdhejê de dê çawa be?

Di erdheja li Mereşê de erebeyên xelkê jî di bin erdhejê de man. Ew dê çawa bin?

Li Tirkiyeyê de her erebe mecbûrî "sîgortaya trafîkê" çêdike. Hat gotin ku ev sîgorta dê tu pereyê nede mirovan.

Li aliyê din yên bixwazin "kasko"yê çêdike ji bo qezayan û tiştên wisa. Pirsa "kasko" dê zirarê xelkê bide derket holê. Pispor dibêjin "Li gor naveroka peymana ku we saz kiriye dê pere bidin we yan na." Loma jî di vir de xwediyên erebeyan dikarin li gor naveroka kaskoyê li meseleyê binêrin.

11.00

Li Stenbolê dibistan têne valakirin

Piştî erdheja li Mereşê û îhtîmala erdheja ku li Stenbolê dê çêbe rewşa dibistanan ket rojevê.

Rayedarên Stenbolê der barê 93 dibistan û saziyên perwerdehiyê de biryara valakirinê da. Û ev biryar îro kete rojevê. Yek ji wan dibistanan Dibistana Navîn a Kanaryayê ya Kuçukçekmeceyê bû. Serê sibê dema malbat hatin ber dibistanê dîtin ku girtî ye. Berê 1700 xwendekarên li vê dibistanên dan dibistanên din.

10.30

Li ber bankeya dewletê rêzek dirêj

Piştî ku hat gotin AFAD dê 10 hezar TL bide mexdûrên erdhejê, vê sibê li Amedê bi sedan kes li ber Bankeya Ziraatê rêzeke dirêj saz kirin. Rêza ji mirovan li ber Şaxa Bankeya Zîraatê ya li Yenîşehir Gevran Caddesiyê dest pê kir û heta kîlometreyek dirêj bû. (MA)

***

Di dema erdhejê de ger hûn li hundir bin...