Diyarname
Meraq ew e li welatan serê kesî çend pirtûk dikevin? Li Tirkiyeyê serê kesî çend pirtûk dikevin? Li Edeneyê Fûara Pirtûkan a Çûkûrovayê li dar ket. Fûar heta 19'ê mehê vekirî ye.
Vê fûarê TUYAP bi hevkariya TYB'ê (Yekîtiya Weşangerên Tirkiyeyê) li dar dixe. Serokê TYB'ê Kenan Kocaturk jî yek ji kesên beşdarî vekirina fûarê bû. Kocaturk li ser rewşa bazara pirtûkan a li Tirkiyeyê agahî dan. Di heman demê de TYB her sal îstatîstîkên pirtûkên li Tirkiyeyê çap û bûne belav dike.
Va ne çend not ji gotinên Kocaturk:
- Weşanxaneyên serbixwe yan jî yên ne girêdayî komên çapemeniya mezin di sala 2024'an de 413 mîlyon û 860 hezar heb pirtûk çapkirine. Di sala 2023'yan e 400 mîlyon û 341 hezar bû. Par li gor pêrar sedî 3,38 zêde bûne.
- Ligel hemû weşanan, par 700 mîlyon heb pirtûk li Tirkiyeyê çap bûye ku dema mirov wisa binêre serê kesî 8 pirtûk dikevin.
- Di sala 2024'an de 92 hezar û 560 pirtûkên nû çap bûne. Ji nêzî 78 hezarî pirtûkên çap bûyî ne; yên din bi awayê dîjîtal çap bûne.
- Par di warê pirtûkên zarokan de pêşketin çêbûye, li gor pêrar sedî 40 zêde bûne, lê di warê pirtûkên çandî ji bo mezinan, pirtûkên honak-edebiyat ên ji bo mezinan de paşveçûn çêbûye.
- Ji hemû pirtûkên çapbûyî sedî 46,5 pirtûkên ji bo perwerdehiyê ne.
Serokê TYB'ê Kenan Kocaturk îstatîstîkên li ser pirtûkan pêşkêş kirin.
Ji her temenî bi hezaran kes çû serdana fûarê.
**
Nûçeya Eleqedar:
- Fûara Pirtûkan a Çukurovayê dest pê kir