Rêberê Lîbyayê Miammer Qedafî ku ji ber muxalîfan xwe vedişart hat kuştin.

Çavkaniyên herêmî dibêjin ku Qedafî dema tevî konvoyek dikir bireve di encama bombebarana hewayî ya bi alîkariya NATO'yê de bi giranî birîndar bûye lê Wezareta Karên Derve yê DYA'yê ev agahî piştrast nekir.

Lê Wezîrê Enformasyonê yê Lîbyayê got ku Qedafî hatiye kuştin.
Tê gotin ku ji ber ewlehiyê cenazeyê wî birine Misratayê û veşartine.

Li aliyê din kanala El Lîbya ku alîgirê rejima Qedafî ye got ku xebera kuştina Qedafî derew e.

NATO jî dibêje ku ji bo piştrastikiran agahiya kuştina Qedafî hinek dem divê.

Digel van agahiyan jî rayedarê Konseya Demê ya Neteweyî yê Lîbyayê Ebdul Mecîd jî li ser kuştina Qedafî wisa dibêje: Qedafî ji serê xwe û her du lingên xwe birîndar bû û bi vî awayî hat girtin; paşê ew mir.