Diyarname

Kovara kurdî Nûsihar ku 3 mehan carek derdikeve bi hejmara xwe ya 158’an li pêşberî xwendevanên xwe ye. Ev hejmar wekî hejmara zivistana 2022’yan bi nivîsên cur bi cur xwe gihandiye xwendevanên xwe.

Yek ji nivîsên di vê hejmrê de derdikeve pêş û di berga kovarê de jî cih girtiye nivîsa Karlanê Çaçanî ye. Karlanê Çaçanî di sala 1999’an bi sernavê “Rola ronakbîrên ermen di pêşketina çanda kurdî de” nivîsa xwe bi ermenî belavkiribû. Mustafa Kiliçaslan ji bo vê hejmarê ev nivîs amade kiriye û pêşkêş kiriye. Nivîs xwendevanan dibe heta nîveka sedsala 19’an û rola ronakbîrên ermen radixe ber çavan.

Nivîskar Murat Celalî jî li ser “Gera dîrektor Elî Begê ya li Kurdistan û Bexdayê” nivîsa xwe pêşkêş kiriye. Elî Begê ku di astên cur bi cur ên dewleta Osmanî de xebitiye; di sala 1885’an de derdikeve gerê û li gelek bajarên Kurdistanê jî digere. Nivîs balê dikişîne ser wê gerê.

Îbrahîm Seydo Aydogan di nivîsa xwe de, behsa gotarên pexşanî yên wekî dîrok, lêkolîn, ziman, ceribandin, nîqaş û wêjeya klasîk yên ku di Hawarê de weşiyane kiriye. Ji nivîsan Yûnis Amedî jî li ser “Ji Gencîneya Kurdî Çendîn Bêje” berê xwendevanan daye devera Erxeniyê û hinek peyvên ji wir dane hev.

Di vê jimarê de du hevpeyvîn hatine weşandin. Ji wan yek ji aliyê Abdullah Încekan ve hatiye kirin. Încekan ligel helbestvan Rojen Barnas axiviye.  Barnas ku di nav helbesta kurdî di ciheke muhîm digire, li Ewropayê dijî. Ew dibêje, “Min welatê xwe bi çandeya wî ya devkî û nivîskî bi xwe re aniye!” Hevpeyvîna din jî ji aliy”e Dr. Omer Uluçay ve hatiye kirin. Uluçay lige nivîskar Receb Dildar axiviye.

Di kovara ku di bin edîtoriya Suleyman Çevîk de amade dibe û tê weşandin, ev 30 sal in weşana xwe didomîne. Di vê hejmarê de van kesan bi berhemên xwe cih girtine:

Hafizê Şîrazî, Felat Dilgeş, M. Zahir Ertekin, Telet Tahîr. M. Zana Karak, Kevok Mizgîn, Perwîz Cîhanî,, Ali Karadeniz, Mela Muhemmed Gulnar, Ebru Yılmaz, Ahmed Arif, Sabri Akbel, Sîpanî, Osman Aytar, Merve Şivan, Omer Faruk Feyat,  Rahmetullah Karakaya, Xecê Rêdûr, Wehab Mistefazade, Evdilxaliqê Îsa, Evdî Hesqera-Sadiqê Goçanî, Xortê Nazik, Bamed Serdar, Mutî, Receb Dildar

Ji bo têkiliyê:

www.nubihar.com

info@nubihar.com