Diyarname

Lîstika “Mem û Zînê” ya Şermola Performansê piştî Batman, Amed, Riha û Qoserê divê li Cizîrê bihata lîstin lê Qeymeqamiya Cizîrê destûr neda pêşkêşkirina lîstikê.

Li ser vê yekê Şermola Performansê daxuyaniyeke nivîsî belav kir û got, *Lîstika me bê sedem hat betalkirin. Lîstika Mem û Zîn 12’yê Adarê roja şemiyê li Navenda Çandê ya Şaredariya Cizîrê wê bihata lîstin, lewre afîş, broşur ûi dawetiye hatbûn şandin, bi alîkariya gelek saziyan danasînên medyaya civakî hatibûn parekirin ûi 4’ê adarê jî kirêya selonê li ser hesabê şaredariyê hatibû razandin. Lê piştî du rojan, roja 06.03.2022 Qeymeqamiya Cizîrê bi riya telefonê em agahdar kirin ku pêşandana lîstikê hatiye betalkirin.”

Şermola Performansê gotiye lîstika wan heta niha 13 caran hatiye lîstin û ji aliyê temaşevanan ve hatiye ecibandin lê qeymeqamî bê sedem ew qedexe kiriye.