Diyarname

Ev çîroka lîstikvanê berê, teknîk dîrektor Carlo Ancelotti ye. Niha ew gihîşt rekorek ku li dinyayê hinek zehmet e kesek din bigihîje vê rekorê. Ew tam li 5 welatan ligel tîma xwe bûye şampiyon.

Carlo Ancelotti di sala 1959’an de li Reggiolo ya Îtalyayê hatiye dinê. Di sala 1975’an de li tîma jêrîn a Parmayê dest bi lîstikvaniya fûtbolê kir. Salek paşê derbasî tîma a bû. 1979’an de çû Romayê û 1987’an de jî transferê Mîlanê bû ku heta 1992’yan lîst. Piştî dest jê berdana lîstikvaniyê ew çû qursên teknîk dîrektoriyê û ceribandina wî ya yekemîn a di vî warî de di sala 1995In de dest pê kir. Li bajarê xwe Reggiana bi rê ve bir. Paşê çû Parmayê û rêya tîmên mezin lê vebûn: Juventus (1999-2011), Milan (2001-09), paşê bi rêzê Chelsea, PSG, Real Madrid, Bayern Munih, Napoli, Everton û par careke din bû berpirsên Real Madrîdê.

LI 5 WELETAN BÛ ŞAMPIYON

Û niha ew berî lîg bi dawî bibe bi 4 hefteyan tîm kir şampiyon. Bi vê rekora li 5 weletan a şampiyoniyê bi dest xist. 

Ancelootti bi rêzê di sala 2004’an de li Îtalyayê Milan kir şampiyon. 

Di sala 2010’an de li Îngilistanê tîma Chelsea kir şampiyon.

Di sala 2013’yan de li Fransayê PSG kir şampiyon. 

Dûre di sala 2017’an de li Almanyayê Bayern Munih kir şampiyon.

Û niha, 2022, wî Real Madrîd kir şampiyon û li 5 welatên cuda gihîşt şampiyoniyê.

HINEK KÛPAYÊN WÎ

Ji bilî li welatan şampiyoniya tîman wekî din jî gelek kûpayên wî hene. Ji yên mezin, 3 caran Kûpaya Lîga Şampiyonan a UEFA’yê girtiye (2 car ligel Mîlanê, carek ligel Real Madrîdê)  ku ew ji 3 teknîk dîrektoran yek e ku 3 caran ev kûpa girtiye. 

***

Nûçeya Eleqedar:

- Li La Lîgayê Real Madrîd gihîşt mirazê xwe