Diyarname

Heta niha li dor 100 zimanan di beşa wergerê ya Googleyê de hebûn ku di nav wan de kurd (kurmancî) jî hebû. Niha Googleyê 24 ziman/zaravayên din li beşa wergerê kir ku di nav van de soranî jî heye. Bi vê re hejmara ziman/zaravayên ku Goole dikare wergerîne derket 133'yan.

Ji 24 ziman/zaravayên ku li beşa wergerê hatine kirin 10 jê ji Afrîkayê ne. Yek jê jî zaravaya kurdî soranî ye. Piştî kurmancî soranî jî li beşa wergera Google hat zêdekirin ku ev yek ji bo kurdî gaveke muhîm e.

Ji Hindistan, Amerîkaya Latîn û Fîlîpînê ziman hene di nav ên li wergerê hatine zêdekirin.

Ji zimanên ji Afrîkayê lê hatine zêdekirin jî "Ashante" heye ku li Ganayê 11 mîlyon kes pê diaxivin. "Bambara" heye ku li Mali 14 mîlyon kes vê diaxivin. Dîsa li "Jeje" heye ku li Togo 7 mîlyon kes bikar tînin. "Krio" li Leone tê bikaranîn ku yên bikar tînin dor 4 mîlyon kesî ne.

Dîsa "Luganda" li Etiyopyayê ji aliyê 20 mîlyon kesî, "Oromo" li Kenyayê ji aliyê 37 mîlyon kesî tê bikananîn. Zimanê ku pir tê axaftin "Lingala" ye ku bi tam û temamî 45 mîlyon kesên li Komara Kongo, Angola, Başûrê Sudanê û Komara Afrîkaya Navîn dijîn vê bikar tînin. Ev jî ket nava wergerê.

Her wiha "Sepedi" li Başûrê Afrîkayê ji aliyê 14 mîlyon kesî, "Tigrinya" li Eritre û Etiyopyayê ji aliyê 8 mîlyon kesî û "Tsongo" heye ku li Esvatini, Mozambik, Afrîkaya Başûr aliyê 7 mîlyon kesî ve tê bikaranîn.