Diyarname
Kovara Nûbihar Akademî (NA) ku şeş mehan carek bi mijarên akademîk bi kurdî derdikeve bi hejmara xwe ya 17’an derket pêşberî xwendevanên xwe.

Kovara Nûbihar Akademî bi vê hejmarê ket sala xwe ya 9’an. Dosyaya vê hejmarê li ser “Kurdên Yarsan” e û ev dosya bi edîtoriya Dr. Shahab Vali hatiye amadekirin. 

Di vê hejmarê de 11 nivîs hene ku ji van sê gotar û wergêran derheqê kurdên yarsan de ne. Ji nivîsên din sê gotar di qada edebiyata modern, gotarek û danasîna pirtûkê di qada edebiyata klasîk û gotarek jî di qada folklorê de ye. 

Ev gotarên vê hejmarê şeş jê kurmancî, gotarek û danasîna pirtûkê bi zazakî, gotarek bi îngilîzî û wergerek jî bi tirkî ye.

Li gor agahiya amadekarên kovarê di hejmara bê de dê li ser “Kurdên Lor û Goran di Çavkaniyên Serdama Navîn de” dosyayê amade bikin ku edîtoriya wê dê Dr. Ismaîl Shams bike.

Mijarên vê hejmarê ev in

1. Zulkuf Ergun, Nasnameyên Edebîyata Kurdî ya Sovyetê

2. Guneş Kan, Romaneke Bêhizûr: Di Peywenda Fîksiyonalîte û Dengê Vegêranê da Gramera Bêhizûr a Şener Ozmen

3. Mazhar Çiftçi, Penaberî di Lehengsazîya Romana Barê Şevê ya Fawaz Husên da li Gorî Rêbaza Realîzma Efsûnî

4. Kenan Subaşi, Dêw û Formên Wan di Folklora Kurdî da

5. Nevzat Eminoglu, Estetîk û Cureyên Wê di Şiîrên Melayê Cizîrî de

6. Shahab Vali, Çend Têbînî li Ser Tarîx û Bawerîya Kurdên Yarsan 

7. Alireza Zahedi Moghadam, History of Western Academic Reaserchs on Yārsān 1836-2020

8. Sevda Orak Reşitoglu, Kelamên Soranî di Metnên Yarsanî de: Mînaka Nêrgiz Xanim Şehrezorî

9. Mutlu CAN, Hetê Bawerî, Îbadet û Organîzebîyayîşî Ra Pêveronayîşê Elewîtîya Dêrsimî û Yarsanîye

10. Mustafa Dehqan, An Ahl-i Haqq Kurdish Folio on the Music (Mehrdad Anvari, Muzik Uzerine Bir Ehl-i Hak Kurt Folyosu)

11. Nurettin Beltekin, Kîtabê Eşqname Ser o Nirxnayîşek

Ji bo têkilî û xwendinê: 

https://nubiharakademi.net/

https://dergipark.org.tr/tr/pub/nubihar