Diyarname

Spanya de dawey deyrvana bi name û venge Shakira yena xeberdayişî. Mesela bace wa. Sawcîke bi semedê bace nêdawa wazeno 8 serî ceza ro Shakira bêro birnayişî.

Gorey xeberey rojnamey El Parîsî ra di deway dizî bace ke 14,5 mîlyon euro wa, Shakira nêwaşt rojobînî bikerê. Shakira nêwaşt ê û sawcî rojobînî bikerê, semedo ke fikrê ay ew o ke sûcê ay çiniyo. La sawcî ana nêfikirêno. Sawcî nawey deway 23 mîlyon euro cezay pereyan ro ay kerd ay û waşt ke hakim ceza ro ay bibirno. Sawcî wazera cezay hepsî zî ro ay bêro birnayişî.

Dewa serê serey 2012 û 2014’î de hamîbî destpakerdişî. Cay rûniştişê fermî ê Shakira Bahama bî la sawcî vano ke a enî seran Spanya de biya loma der heqê ay de dewa kerda a ke ay etiya perey kar kerdê, la bace nêdawa.