Diyarname

Li Tirkiyeyê di 5 salên dawî de hejmara firotina rojnameyan her ku çûye daketiye û daketin gihîştiye sedî 50'î. Yekem car e hejmara firotina rojnameyan dadikeve bin 2 mîlyon hebî.

Zemanekî li Tirkiyeyê tenê Hurriyetê mîlyonek heb difirot. Lê niha hemû rojnameyên çapkirî di xetereyê de ne. Di 10 salên dawî de Ji sedî 60 zêdetir tîraja rojnameyan daketiye. Di sala 2011'an de rojane tîraja rojnameyan 4 mîlyon û 716 hezar û 685 bû, di dawiya sala 2021'ê de, yanê piştî 10 salan tîraj daketiye mîlyonek, 990 hezar û 415 heban.

Di 5 salên dawî de hem hejmara rojname û kovaran kêm bûye, hem tîraja wan û hem jî kesên di van saziyan de dixebitin.

Îstatîstîk ji aliyê TUÎK'ê ve hatin belavkirin. Li gor van îstatîstîkan ev daketin her diçe didome.
TÎRAJA 2011'AN Û 2021'Ê

Di sala 2011'an de rew ev bûye: 4,716,685. Û di sala 2016'an de jî tîraj 4 mîlyon û 500 hezar bûye. Paşê her kêm Bûye û di dawiya 2021'ê de tîraj daketiye  1,990,415'an.

HEJMARA KOVAR Û ROJNAMEYAN: 4460

Li aliyê din di hejmara rojname û kovaran de di sala 2021'ê de sedî 6 kêmbûnê xwe nîşan daye. Bi vê daketinê re hejmara rojname û kovarên karîne weşana xwe bidomîne maye 4 hezar û 460 heb. Ji sedî 54'ê van kovar in. Hejmara rojnameyan 2 hezar û 71 heb hatin diyarkirin ku ji van 145 hebên wan di asta neteweyî de weşana xwe dikirin, yên din herêmî bûn.

Di sala 2011'an de hejmara rojnameyên weşanê dikirin 2 hezar û 905 bû, di sala 2013'yan de derketibûn 3 hezar û 100'î. Di 10 salan de di hejmara rojnameyên derdikevin de sedî 29 kêmbûn çêbûn.