Diyarname

Formaya efsaneyê basketbolê, lîstikvanê navdar ê NBA Michael Jordan ku di sala 1988'an de li xwe kiribû bi buhayeke mezin hat firotin.

Michael Jordan di sala 1998'an, di fînalên NBA de formaya bi nimreya 23 li xwe kiribû. Ew forma niha li Mezatxaneya Sotheby's hat firotin. Forma bi 10.1 mîlyon dolarî hat firotin ku heta niha ev wekî formaya herî buha ket nava dîrokê.

Formaya Kobe Bryant bi 3,7 mîlyon dolarî hatibû firotin.

Berî vê formayeke Jordan bi 2,7 mîlyon dolarî hatibû firotin. Formaya Diego Maradona a bi navê "Destê Xwedê" ku di Kûpaya Dinyayê ya 1986'an de li xwe kiribû bi 9,28 mîlyon dolarî hatibû firotin.

Sotheby'sê ragihandiye ku Jordan piraniya formayên xwe yên di Fînalên NBA de li xwe kirine diyarî Mezatxaneya Çand û Dîroka Smithsonian Afro-Amerîkan kirine.

Michael Jordan di sala 1963'yan de hatiye dinê. Di navbera salên 1984-2001'ê de li Chicago Bullsê lîst. Wê salê derbasî tîma Washington Wizardê bû, piştî du salên lîstina li vê derê dest ji lîstina baskelê berda.

Ew niha xwediyê tîma basketbolê Charlotte Hornetsê ye ku ev tîm li Bakurê Carolînayê ye.