Diyarname
Li Wanê, di embara ku alîkarî ji bo erdhejzadiyan hatibû komkirin şewat pêk hat. Di embara Karayollari ya dewletê ku amûrên berhevkirî yên ji bo waniyan hebûn (êvara 29'ê mehê) şewateke mezin pêk hat û embar bi temamî şewitî. Erzaqên ku ji bo gel hatibûn komkirin lê li gel nehatibûn belavkirin şewitîn. Waniyên ku ji erdhejê zirar dîtine, careke din rastê karesateke hatin û erzaqên ji bo wan hatibûn komkirin, bêyî bigihîjin wan şewitîn.

Kiziliya Tirkiyê li ser vê daxuyanî da û got: Embar aîdê Navenda Qeyrana Afetê ya Bajêr bû. Embar ji bo amûrên hatine berhevkirin dihat bikaranîn
 
Hat gotin ku di embara ku şewitî de piranî berik, kon, betanî, nivîn, lihêf, kinc hebûn. Hemû amûrên di embarê de agir bi wan ket û yên şewitîn çûn, yên man jî zerar dîtin ku êdî nayên bikaranîn.

Walîtiya Wanê embar teslîmê Midûriyeta Rewşa Lezgîn û Afetê ya Bajêr kiribû.
Hê kes nizane çima agir bi embarê ketiye.

Di destpêkê de hat îdîakirin ku depo hatiye şewitandin, paşê hate gotin ku ji ber xirabûna elektrîkê agir bi wir ketiye.

Waliyê Wanê Munir Kaarloglu ji bo rojnamegeran wisa got:  "Ji heft embaran sê heban zirar dît. Di van embaran de 5 hezar metrekare halifleksî zerar dît. Lewhe û amûrên trafîkê yên rêyên bejayî zerar dîtin. Kincên mirovan ku dê bihata belav kirin zerar dîtin. Hinek potên ji bo zarokan û qaxizên tiwaletê zirar dîtin."