Diyarname

Kovara bi kurdî ya li ser ziman Zend bi hejmara xwe ya nû li pêşberî xwendevanên xwe ye. Zendê di vê hejmarê de li ser TZPKurdî dosyaya xwe amade kiriye.

Kovara Zendê ku ji roja roj de ji aliyê Enstîtuya Kurdî ve dihat amadekirin û weşandin niha bi hejmareke nû li pêşberî xwendevanan e. Zendê hejmara xwe ya 29’an a payîza 2022’yan pêşkêş kir.

Kovarê di vê hejmarê de dosyaya xwe li ser TZPKurdî amade kiriye. TZPKurdî ku di sala 2006’an de ji aliyê aktîvîstên zimanê kurdî ve hat avakirin û bi vê tevgerê gelek xebatên kurdî hatin kirin, niha bûye mijara sereke ya kovara Zendê.

Dosya bi sernavê “Qonaxeke dîrokî di têkoşîna zimanê kurdî de: TZPKurdî” hatiye pêşkêş kirin. Ronayî Onen, Mustafa Borak, Samî Tan, Şehmus Kurt, Zeyad Ceylan, Heval Dilbihar, Mîrza Ronî, Welat Dilken bi nivîsên xwe berê xwe dane wê serdemê û kîteyên wê serdemê pêşkêş kirine. Li aliyê din ligel Xecê Şen, Mevlûd Aykoç, Yûnis Daş hevpeyvîn hatine kirin.

16-19 sermaweza 2006’an konferanseke bi  sernavê “Konferansa parastin û perwerdehiya Kurdî” li dar ketibû û di vê konferansê de Sêvê Demîr jî axivî bû. Demîr a ku kurtedemek berê li bajarê Silêmanî hat kuştin, ji bo bîranîna wê ev axaftina wê di vê hejmarê de hatiye weşandin.  

Ji bilî dosyayê, nivîsên li ser folklor û zimanê kurdî di kovarê de cih girtine. Şemoyê Memê “Agir di bawerî û zargotina kurdan de”, Zare Alievna Yusupova “Avasaziya xweitiyê di kurdî de” (wergera ji îngilîzî Eyûb Sûbaşi),  Zana Farqînî jî “Peyvên duyîne di kurmancî de” nivîsiye.

Ji bo têkillî û xwestinê:

Cibali Mah. Ataturk Bulv. No:21/301, 34083 Fatih/İstanbul, Istanbul, Turkey

+90 212 621 82 00

komelekurdi2017@gmail.com