Diyarname
5'emîn Festîvala Fîlmên Kurdî îro li Berlînê dest pê dike. Festîval heta 1'ê pûşperê li dar e.

Di festîvalê de îsal 41 fîlm têne nîşandayîn. Di nav fîlman de fîlmên derhênerên Behmen Qubadî, Hinar Selîm, Yuksel Yavuz, Hîşam Zaman, Akram Kiro jî hene.
Festîval îro dê li salona sînemayê Babylonê bi nîşandayîna fîlmê Hîşam Zaman ê bi navê "Vinterland -Bûka Zivistanê" dest pê bike. Her wiha di şeva destpêkirina festîvalê de dê Tara Caf jî konsereke pêşkêş bike.

Festîval îsal di bin van çar sernavan de têne nîşandayîn: "Fîlmên ku ji aliyê derhênerên jin ve hatine kişandin", "Fîlmên li sînor hatine kişandin" (fîlmên ku li ser zarokan hatine kişandin), "Fîlmên ku li başûrê Kurdistanê hatine kişandin" û "Fîlmên li Tirkiyeya ber bi Yekîtiya Ewropayê ve hatine kişandin".