WAN
Di doza bûyera Şemizînanê de dozgerê komarê bi hinceta “Kuştina mirovan”, “avakirina çeteyê” û “hewldana kuştina mirovan” serbazê girtî Alî Kaya û Ozcan Îldenîz û îtîrafkar Veysel Ateş bi 39 sal û 10 meh û 27 roj cezayê girtinê birî.

Di 9’ê sermaweza 2005’an de, li navçeya Şemzînana Culemêrgê "Pirtûkxaneya Umut" a Seferî Yilmaz hatibû bombekirin û di encamê de kesek jiyana xwe ji dest dabû û kesek jî birîndar bibû. Tam wê demê de gel ketibû dû kesên bombe avêtin pirtûkxaneyên û di encamê de leşkerên bi navê Alî Kaya û Ozcan Îldenîz û îtîrafkar Veysel Ateş, qufaltibûn.
Ji wê rojê de doza bombekirina pirtûkxaneyê didome. Di doza ku li 3'yemîn Dadgeha Cezayê Giran a Wanê pêk hat de dozgerê komarê bi hinceta “Kuştina mirovan”, “avakirina çeteyê” û “hewldana kuştina mirovan” ceza li Alî Kaya û Ozcan Îldenîz û îtîrafkar Veysel Ateş birî.

Serfermandarê Giştî yê Artêşa Tirk yê wê demê Yaşar Buyuk Anit ji bo bersûcan re gotibû “Ez wan nas dikim, ew zarokên baş in” û bi vî awayî ew hatibûn berdan lê paşê dîsa hatibûn girtin.