Cemil Oguz

IF İstanbul ku ji gelek welatan, gelek fîlmên cur bi cur radigihîne temaşevanên sînemayê, ev çend salên dawî ne fîlmên kurdan jî nîşan dide. Îsal jî gelek fîlmên kurdan di festîvalê de têne nîşandayîn. Beşa bi navê "Ev" (Mal) îsal ji bo fîlmên kurdan hatine veqetandin û di vir de hin fîlm û belgefîlm derdikevin pêşberî temaşevanan.

Fîlmên kurdan di "Mal"ê de ne

Ji ser çima navê "Mal" dîroktorên festîvalê wisa dibêjin: "Sê sal berê me fîlmên kurdan di bin beşa 'Pêşîlêvekirin' de nîşan dabûn. Sala dûre me navê 'Domkirina Pêşîlêvekirin' lê kir. Ji wê rojê heta niha tiştê herî zêde tê nîqaştkirin 'veger' e. Hinan dawetî 'vegera welat' kir, hin ji bo xwe biparêzin ev welat, mala xwe welatê xwe terk kirin. Gelekên ku nikarin vegerin hene. Lê mal girîng e. Ji ber vê yekê me navê vê beşê kir 'mal'."
Di vê beşê de Dîrektorê Festîvala Fîlmên Kurdan a Londonê Mustafa Gundogdu alîkariya amadekarên festîvalê kirine.
Di festîvalê de ji Tirkiye û ji welatên din ên dinyayê gelek fîlm û belgefîlmên balkêş hene lê di vê nivîsê de emê balê bikişînin ser fîlmên kurdî û yên kurdan.

Hin fîlmên kurdî

Vane hin fîlmên kurdan û hin ên bi kurdî ku di festîvalê de têne nîşandayîn:

Li ser şopa Bedîayê
Derhêner: Kudret Guneş
Fransa - 2011 - 63 deqe, Tirkî, Fransizî

Bedîa ku gelek caran di girtîgehê de maye qala çîroka rojiyên mirinê ku bi mirinan bi encam bû dike.

Hemû dayikên min
Derhêner: Îbrahîm Sedî,
2009 - 60' deqe, bi kurdî

Li Kerkûkê ew birin civînekê û qet venegeriyan. 24 sal in winda ne lê di bin dîktatoriya Sedam de dîroka şîdet, êş, şer ji bo kurdan kevntir e. Di vê belgefîlmî de bi çavê jinan şer û winda derdikevin pêş ekranê.

Li Vir
DerHêner: Heco Çeko
2011 - 72 deqe, bi kurdî - îngilîzî

Musa û Dîngîl Huseyîn du heval in ku ev demek dirêj in li Îngilistanê dijîn. Piştî ji wir tên qewirandin û wan dişînin Fransayê, ew bi awayê qaçaxî vedigerin Îngilistanê. Her çiqas dixwazin bi zewaceke sexte mafê rûniştinê bi dest bixin jî rewş li gorî daxwaza wan çênabe.

Gerîlayê Zarok
Derhêner: Zanyar Ademî
2011, 58deqe, bi swîsrî û kirdî

Travmaya şer bandorê li yên ku beşdarî şer bûne nake, bandorê li yên ku li dû wan tê dike. Li vê derê gerîla û kurê wî dikevin nav ezûmeneke giran. Derhêner Ademî dixwaze travmayên bavê xwe ku li başûrê Kurdistanê gerîla bû derxe pêş ekranê.

Peyarê
Derhêner: Binevşa Bêrîvan
2011, 17 deqe, bi kurdî

Fîlm çîroka penaberê kurd Memo ku li Brukselê, li qata herî jêrîn a li avahiyê tevî jin û zarokên xwe dijî nîşan dide. Ew li Belçîkayê ji bo dersînor neyê kirin li wê xaniya herî jêrîn de dijî û li kesên ku tên û diçin mêze dike.

Evcilik / Lîstikva Zewacê
Derhêner Elmas Bingol
2012, 56 deqe, tirkî - kurdî

Li Tirkiyeyê ji her du zewicandinê ku hatine kiri yek jê di temenê ku hê zarok tê hesibandin de tê kirin. Ji nav van ên ku her diçe întîxarê dikin zêde dibin.
Derhêner Bingol Elmas di vî fîlmê xwe de balê dikişîne ser qelen, zewacên bi vî rengî û mijarên pêre eleqedar.

Saîrê Dêrsimî: Silo Qiz
Derhêner Bulent Boral
2011, 38 deqe, Kurdî

Di vî belgefîlmî de çîroka hostayê gotin û kemanê, çîroka Bilo Qiz tê ser ziman.

Hin kurtefîlm bi kurdî

Di beşa "IF Kisalar" (IF Kurte) de jî çend kurtefîlm û belgefîlmên kurdî têne nîşandayîn. Vane hin ji wan:

- Yuva / Hêlîn
2012, 52 deqe
Derhêner Ebubekir Çetinkaya

Hêlîn, bi gotineke din mal... Fikir ew e ku ev der cihê herî bi aram a malbatê lê li hin hêlînan tacîz û tecawiz jî hene ku belgefîlm qala vê yekê dike.

- Ali Ata Bak
Derhêner Orhan İnce
2012, 12 deqe

Ali demek dirêj e xalê xwe nedîtiye. Bi hatina xal a mala wan re sohbet dest pê dike, pêre jî çend peyvên ku zarokan bi wê mesûmbûna xwe hîn bûne rewşa trajîkomîk a pergala perwerdehiyê dertê holê.

- Bajar
2011, 15 deqe
Derhêner Ali Kemal Çinar

Derhêner kameraya xwe girtiye, li her derê bajêr digere û ji jiyana mirovan anekdotan pêşkêş dike. Her tişt asan xuya dike lê ji nişke ve bi teqîta dengê balafirê re êş derdikevin holê.

- Toros Canavari
Derhêner Yavuz Firat
2011, 8 deqe
Di salên 1990'an de gelek kuştinên kiryar nediyar çêbûn. Ew kesên hatin revandin û hatin kuştin jî piranî bi erebeyê bi markeya "Toros"ê pêk hatin. Di kurtefîlmê "Toros Canavari" de derhêner balê dikişîne ser wan salan.

- Xewna Yûsiv
Derhêner Ferit Karahan
2011, 14 deqe

Bêdengiya li hemberî bûyerên ku li der û dora me pêk tên rojekê dibe ku bibe sedema kabûseke ji bo mirov. Ji bo ku her kes jê sûde bigire fîlm vê yekê di şexsê Yûsiv de nîşan dide.