Diyarname

Vê hefteyê 3 ji Tirkiyeyê, 3 ji derveyî Tirkiyeyê 6 fîlm ketine vîzyonê. Herî zedê fîlmê "EO" derdikeve pêş ku bi çavên kerekî dinyayê vedibêje. Ji bilî vê hinên din jî hene, lê "EO" em derdixin rêza pêşî û pêşniyar dikin.

“Operation Fortune: Ruse de Guerre”

Fîlmê derhêner Guy Ritchie "Operation Fortune: Ruse de Guerre” bi navê “Servet Operasyonu” xistine vîzyonê. Fîmê aksiyonê dikeve dû çîroka bazirganên çekan ên mîlyar dolaran. Lîstikvan Jason Statham ku bi fîlmên aksiyonê navdar e, di vî fîlmî de jî bi heman awayî derdikeve pêşberî hezkiriyên xwe.

“EO”

Fîlmê derhêner Jerzy Skolimowski ê bi navê “EO” bi navê “Aİ” xistine vîzyonê. Balkêşiya fîlm ew e ku bi çavê kerekî xemgîn rewşa dinyayê vedibêje. Serlîstikvan “Aİ” li sîrkek Polonyayê dizê, di jiyana xwe de hem rastî kesên baş, hem rastî yên xirab tê.
Ev fîlmê derhênerê polonî li Festîvala Fîlman a Cannesê hat nîşandayîn û du xelat girtin. Fîlmî Xelata Mezin a Juriyê û Xelata Muzîka Herî Serketî bi dest xist. Fîlm di heman demê de li ser navâ Polonyayê ji bo berendamtiya Oscarê hat şandin.

“Tamiri Mumkun”

Fîlmekî din ku ji nav fîlmên vê hefteyê bi balkêşiya xwe derdikeve pêş “Tamiri Mumkun” e. Fîlmê derhêner Recep Yilmaz çîroka konsera Mor ve Otesî tîne pêşberî temaşevanan. Koma Mor ve Otesî par li Stada Înonu ya Beşîktaşa Stenbolê konserek pêşkêş kir, 35 hezar kes çûn temaşekirina konserê. Fîlm çîroka vî konserî pêşkêş dike ku bi vî awayê xwe balkêş e.

Va ne hemû fîlmên hefteyê:

- EO / Derhêner Jerzy Skolimowski’

- Operation Fortune: Ruse de Guerre / Derhêner Guy Ritchie

- Megan / Derhêner Gerar Johnstone

- Ammar 3: Cih Kabilesi / Derhêner Ahmet Yaşar Gumuş

- Tamiri Mumkun / Derhêner Recep Yilmaz

- İllegal Hayatlar / Derhêner Cenk Çelik