Diyarname

"6'li Masa" (Maseya 6 Ling) wekî Îtîfaqa Milet hatibû cem hev li hemberî Îtîfaqa Komarê (AKP-MHP). Ji van 5 serokên partiyan di civîna duh de ji bo berendamtiya Kemal Kiliçdaroglu gotibûn "erê". Lê Serokê Îyî Partî Meral AKşener duh ne bi dil bû û îro dij derket. Akşener bi Lijneya Rêveberî ya partiya xwe re civiya û axivî: "Maseyê zor li Îyî Partî kiriye, ew mecbûrê tercihek kirine. Emê li hemberî vê yekê serî netewînin."

Akşener di civîna çapemeniyê de piştî van gotinan bang li Şaredarê Bajarê Mezin ê Stenbolê Ekrem Îmamoglu û Şaredarê Bajarê Mezin ê Enqereyê Mansur Yavaş kir. Akşener di civînê de navên Îmamoglu û Yavaş pêşniyar kiribûn.

Di nav "6'li Masa" de CHP, Îyî Partî, Deva Partisi, Gelecek Parti, Saadet Partisi û DP hene. Niha tiştê derketiye holê: Dê ev mase belav bibe? Na. Veqete, İyi Partî dê veqete.

Piştî civîna Akşener, çapemenî ji Kiliçdaroglu pirsî, "Tu çi dibêjî?", wî bi gotinek got, "Ne dema wê ye, her tişt dê bikeve rê" û dirêj nekir.

Niha siyaseta Tirkiyeyê di nav nîqaşê de ye. Serokomarê Tirkiyeyê û Serokê AKP'ê Recep Tayyip Erdogan gotibû dê 14'ê gulana 2023'yan de hilbijartin çêbe.

Ji bo yên nizanin: Niha li Tirkiyeyê "Îtîfaqa Komarê" (AKP-MHP), "Îtîfaqa Milet" (ev partiyên li jor) û "Îtîfaka Ked û Aadiyê" (HDP, Emep, Tip û partiyên din di nav de) heye.

HDP bi lezgînî diciva

Li aliyê din piştî van gotinan HDP'ê daxuyaniyeke nivîskî belav kir û got ku ji bo nirxandina rewşa siyasî sibê dê Lijneya Rêveberiya Navendî ya Partiyê li hev bicive.