Hesekê

Cenazeyê kesayetê welatparêz, endamê Meclisa Rûspiyan û hevserokê berê yê Meclisa Qanûnsaz a Herêma Cizîrê Hekem Xelo hat definkirin. Xelo vê serê sibe ji ber qeyrana dil canê xwe ji dest dabû.

Ji bo definkirina cenazeyê mesarim hat li dar xistin û cenazeyê wî li gundê Çolbistan ê Dirbêsiyê hat veşartin.

Di merasima veşartina cenazeyê de, Hevserokê Meclisa Qanûnsaz a Herêma Cizîrê Hikmet Hebîb got: "Hekem Xelo yek ji kesayetên welatparêz ên navdar bû, ji bo parastina aştiya navxweyî kedeke mezin da. Hekem wekî şêwirmendê Rêveberiya Xweser a Bakur û Rojhilatê Sûriyeyê kar kir û rola wî di Desteya Rûspiyan de mezin bû. Em sersaxiyê ji xwe, malbata Xelo û tevahî pêkhateyên herêmê re dixwazin."

Ji Rêveberên Akademiya Civaka Îslama Demokratîk Ebdulkerîm Saroxan sersaxî ji malbata Xelo re xwest û got, Hekem Xelo roleke mezin di çareserkirina pirsgirêkên civakê de list.

Hekem Xelo kî bû?

Siyasetmedarê kurd Hekem Xelo di sala 1959'an de li gundê Kula yê  Dirbêsiyê hatibû dinê. Wî li Zanîngeha Helebê beşa endazyarî xwendibû.

Di sala 2014'an de di nav avakirina Kantona Cizîrê cih girt. Di civîne de wekî Serokê Kantonê hate hilbijartin û heta 2019'an li ser kar bû.

Ew herî dawî jî endamê Meclisa Rûspiyan a Herêma Cizîrê Bû.