Diyarname

Êvara 14'ê mehê di Lîga Şampiyonan de du maç hebûn. Ji van Manchester City (MC) tîma alman RB Leipzing kir mêvan lê bê rehm tevggeriya: Tam 7 gol avêtin, ji van 5 gol Haalandî avêtin û 5 rekor şikandin. Werin em ji serî de lê binêrin.

Di maça yekemin ku li Almnayayê li dar ket de bi 1-1'ê bi dawî bûbû. Helbet MC favorî bû lê kesî texmîn nedikir dê tam 7 golan biavêjin..

Di deqîqeya 22'yan de MC'yê bi gola Haalandî bi 1-0 derket pêş. Leipzingê hê ev şok bi ser xwe re neavêtin bû di deqîqeya 24'an de Haaland dîsa li ser dikê û û di deqîqeya 45+2 de berî nîveka yekemîn bi dawî bibe bi hat-trickê encam bir 3-0.

Di nîveka duyemîn de Îlkay Gundogan ket navberê, ji Haalandê re got tu hinek bisekine: 4-0. Lê Haaland nesekinî û deqîqe 54 û 57'an de du golin din avêtin û bi 5 golan tîma xwe derxist 6-0'î. Û gotina dawî Kevin de Bruyne di deqîqe 90+2 de got: 7-0.
REKORÊN HAALANDÎ

Bi vê yekê MC derbasî çarîk fînalê bû, Haalandê jî 5 rekor şikandin:

- Haalandê 22 salî bi 5 golan bû şikîrê rekora Messi û Luiz Adriano ku di maçek de gol avêtine.

- Di Lîga Şampiyonan de bû yekemîn lîstikvanê ciwan ku di vî emrê xwe de digihîje 30 golan. Berî vê ev rekor di destê lîstikvanê fransiz Kylian Mbappe de bû (Di temenê 22 sal 352 rojan de). Haaland hê li ser temenê 22'an de ye.

- Bû lîstikvanê ciwan ku di demek kurt de ew qas bilez digihîje vê encamê. Berî wî lîstikvanê Hollandayê Ruud Van Nistelrooy di 34 maçan de gihîştibû vê rekorê.

- Li Ewropayê ew bû lîstikvanê ku herî zêde hat-trickan dike.

- Di dîroka klûba MC'yê de bû lîstikvanê ku di serdemek de ew qas zêde golan diavêje û hemû lîstikvan li dû xwe hiştin.

INTER JÎ BI SER KET

Maça din di navbera Porto û Interê de bû. INterê di maça yekemîn de li mala xwe bi 1-0 Porto têk biribû. Di vê maça ku li Portekîzê li dar ket de kesî nekarî golê biavêje û maç bi 0-0'ê bi dawî bû. Bi vê yekê Inter derbasî çarîk fînalê bû.

ÇARÎK FÎNALÎST

Hefteya borî Bayer Munih, Benfica, Chelsea û Milan derketibûn çarîk fînalê. Îro jî MC û Inter. 

15'ê mehê saet 23.00'an de du maç hene: 

Napoli - Eintracht Frankfurt (Maça yekem 2-0 bû)

Real Madrid - Liverpool (Maça yekem 5-2 bû)

Ji van 2 tîmên din dê derkevin çarîk fînalê û çarîk fînalîst temam bibin.

***

Nûçeya Eleqedar:

- Çarîk fînalistên pêşî diyar bûn