Diyarname
Hunermenda Whitney Houston bi deng û şiroveya xwe navdar bû û 415 xelatên girtibû di nav Pirtûka Rekoran Guinnessê de cih girtibû li odeya otelê mirî hat dîtin.

Hunermenda 48 salî ya amerîkî li li Hotela Beverly ya li Los Angelesê mirî hate dîtin. Polîs radigihînin ku hê sedema mirina wê nayê zanîn û li ser vê yekê lêkolînê dikin.

Hunermenda navdar di salên 1980 û 1990'an de li dinyayê di nav hunermendên ku albumên wê herî zêde têne firotin de bû. Houston bi zewaca bi stranbêj Bobby Brown ku serdemeke bi xirecir bû û bi kişandina tilyakê di salên 2000'an de hêdî hêdî ew navdariya wê winda dibû.

Whitney Houston di jiyana xwe de 415 xelat girtibû û bi vê yekê wekî "stranbêja herî zêde xelat girtine" ketibû nav Guinnessê.
Houston di sala 1992'yan de bi Kevin Costner re di fîlmê "The Bodyguard" de lîstibû û di heman demê de strana "I Will Always Love You" strabû. Ev stran li dinyayê li hemû welatan di nav lîsteyên muzîkê de di rêza pêşîn de cih girtibû.