Diyarname

Muzîkar û bestekarê japon, xwediyê xelata Oscarê Sakamoto Ryuichi duh di 71 saliya xwe de mir.

Li gor agahiya ku ji ofîsa wî hatiye belavkirin cenazeyê wî bi beşadriya xizm û dostên wî hatiye definkirin.

Sakamoto di sala 2014'an de bi nexweşiya qansêra qirikê ketibû û di sala 2021'ê ve rewşa wî xirabtir bûbû.

Satamoto Ryuichi di sala 1952'yan de hatibû dinê, di 10 saliya xwe de dest bi nivîsandina notayan kiribû.

Di sala 1978'an de koma "Yellow Magic Orchestra" (YMO) ava kiribû. Ji bo fîlm û lîstikên şanoyê berhemên "teknopopa futurist" çêkiribû ku bi vê li derveyî Japonyayê navê wî derket.

Sala 1983'yan strana "Kimi no Mune Kyun" (Dilê min ji bo te lê dide) çêkir û ev stran ket nava stranên herî zêde tê guhdarîkirin

Hunermend li Zanîngeha Hunerê ya Tokyoyê lîsansa bilind çêkiribû û ked dabû ji 30'yî zêdetir fîlman.

Wî di sala 1987'an de bi muzîka ji bo fîlmê "The Last Emperor" (derhêner Bernardo Bertolucci) Xelata Muzîka Serketî ya Oscarê girtibû. Ligel Oscarê, wî xelatên Grammy û Xelata Globa Zêrîn jî girtibû.