Diyarname
Weqfa Çand û Hunerê ya Yilmaz Guney û Navenda Çanda Yuz Çîçek Açsin îsal duyemîn car festîvalê li dar dixin.
Festîval îsal roja 3'yê adarê dest pê dike. Kurtefîlm û belgefîlmên ku beşdarî festîvalê dibin di rojên 3-4 û 10-11'ê adarê de dê li Navenda Yuz Çiçek Açsin Kultur Merkezi ku li Okmeydani ye, di navbera 23-29'ê adarê de jî li Sînemaya Yeşilçamê ku li Beyogluya Stenbolê ye bêne nîşandayîn.

Ji bilî Stenbolê li bajarên wekî Enqere, Antalya, Amed, Eskişehir, Isparta, Îzmîr û Dêrsimê jî çalakiyên festîvalê bêne li darxistin. Di festîvalê de gotûbêj, sohbetên sînemayê, nîşandayîna fîlman, pêşangeh, panel li dar bikeve.
Di festîvalê de gelek belgefîmên bi kurdî û yên derhênerên kurdan jî hene. Hin ji wan belgefîlman ev in: "Diya Min Aştî dixwaze "(Der: Aziz Çapkurt), "Rewşen" (Der: Cemil Oguz), "Bêrîvan" (Der: Aydin Orak), "Çavlirê" (Der: Hatice Kamer), "Bajar" (Der: Ali Kemal Çinar), "Evdalê Zeynikê" (Der: Bulent Gunduz), "Seyîd" (Der: Ozkan Kuçuk), "Silo Qiz" (Der: Bülent Boral), "Rezonse" (Der: Evrehmu Baydemîr), "pepûk" (Der: Caner Canerik), "Vagona Reş" (Der: Ozgur Findik), "Halepçe Hiway Nemir(Der: Fatin Kanat, Necmettin Salaz), "Dîsa jî aştî" (Der: Asmin Bayram).

Di çarçoveya festîvalê de fîlmên Yilmaz Guney ên hatine restorekirin jî dê bêne nîşandayîn.

Pêşangehan ku ji fotograf û karîkaturan nehatiye amadekirin dê di navbera 10-25'ê adarê de li Mephisto Kitabevi ya Beyogluyê li dar bikeve.

Sohbetên li ser sînemayê jî îsal li Zanîngeha Hunerên Bedew a Mîmar Sînan a li Findikliyê, li Oditoryuma Sedad Hakki Eldem li dar bikevin. Sohbetên li ser sînemayê du rojan, di rojên 17-18'ê adarê de wê li dar bikeven.

Her wiha li Stenbolê, li navçeyên wekî Avcilar, Bagcilar, Taxa 1 Gulan, Taxa Nurtepe û Zanîngeha Bogazîçî jî dê hin çalakî, nîşandayîna fîlman û panel li dar bikevin. Beşa Festîvalê ya Stenbolê roja 31'ê adarê bi merasimeke dawîlêanînê bi dawî bibe.