Diyarname
Di Newroza Stenbolê de Rêveberê Rêxistina BDP'a Arnavutkoy Haci Zengin di encama êrîşa polîsan de mir.

Polîsan êrîşê kesên ku dixwestin ji bo pîrozbahiya Newrozê herin Qada Kazliçeşmeyê kir. Polîsan bombeyên çavsotîner avêtin gel. Rêveberê Rêxistina BDP'a Arnavutkoy Haci Zengin ji ber gazê nefesçiko bûye û qeyrana dil derbas kiriye. Zengin dema rakirin nexweşxaneyê jiyana xwe ji dest da.

Bianet li ser bûyerê xwe gihandiye Cîgira Hevserokên BDP'ê Meral Daniş Beştaş. Beştaş wisa gotiye: "Niha em li mal in. Di dema bûyerê de ligel Zengin biraziyê wî jî hebû û Zengin lêdan xwariye. Paşê Zengin ji ber bêhngirtinê aciz bûye, di encama avêtina bombeyên gazê de nexweş ketiye. Biraziyê wî ew biriye mala wî ya li Arnavutkoy. Zengin qeyrana dil derbas kiriye û rakirine nexweşxaneyê. Hê otopsiya wî nekirine, lê li gor agahiya ku me ji dixtor girt, sedema mirina Zengin qeyrana dil û nefesçikobûn e."

Haci Zengin ku 57 salî bû, ji Amedê bû û bavê çar zarokan bû.

***

Nûçeyên eleqedar:

- Ji Amedê notên Newrozê

- Ji Stenbolê notên Newrozê

- Bernameya BDP’ê ya Newrozê eşkere bû

- Agahiyên dawî yên li ser Newrozê

- BDP: Em ê Newroza Stenbolê di 18’ê mehê de pîroz bikin

- Demirtaş: Emê walîtiyê ji holê rakin

- Ji bo BDP'ê qedexe, ji bo Walî serbest e!

- Ev afîşa Newrozê hat qedexekirin

- Di Newrozê de 4 daxwazên bingehîn ên kurdan

- Vaye bernameya Newroza 2012'yan