Diyarname

Lîstika Şano Wan a bi navê "Haylo Dîsa Tevlihev Bû" ku dê li Tetwanê bihata lîstin, Qeymeqamiya Tetwanê ve hat qedexekirin.

Komeleya Çand û Hunerê ya Serhedê lîstik organîze kiribû û dê li Navenda Çanda Şaredariya Tetwanê bihata lîstin lê qeymeqamî lîstik qedexe kir. Qeymeqamî bêyî sedem nîşan bide lîstik qedexe kir.

Komeleya Çand û Hunerê ya Serhedê bi daxuyaniya ku belav kir û got, "Ev biryara qedexeyê li hemberî gelê kurd hatiye dayîn. Ev kirin û kirinên bi vî rengî ji aliyê me ve nayên qebûlkirin. Li hemberî van qedexe û sansuran rewş çi dibe bila bibe emê nûneriya ziman û çanda xwe bikin, emê xebatên xwe yên hunerî bidomînin."

"Hay Lo Dîsa Tevlîhev Bû” lîstika nivîskarê fransiz Claude Magnier e. Lîstik ji aliyê Dilawer Zeraq ve hatiye wergerandin û derhêneriya wê Nazmî Karaman kiriye. 

Çalakiya NÇM'ê jî qedexe kiribû

Van rojan carek din pêla qedexekirina çalakiyên kurdî dest pê kiriye. Çend roj berê Qeymeqamiya Fatiha Stenbolê jî çalakiya Navenda Çanda Mezopotamyayê ya bi navê "Çîrokên Xorasanê" qedexe kiribû.