Diyarname

Li ser êrîşên li ser Rojava îro HDP'ê daxuyaniyeke nivîskî belav kir û bangî dinyayê kir ku bala xwe bidin ser Rojava.

SÎHA'yên Tirkiyeyê îro li gundê Til Şeîr ê Tirbespiyê gule bera erebeyeke da. Di erebeyê de Hevseroka Kantona Qamişloyê Yusra Derwêş, cîgira wê Lîman Siwêş û ajokarê erebeyê Firat Tuma hebûn ku her sê mirin. Tê gotin ku kesek jî birîndar e û rakirine nexweşxaneyê.

Li ser vê bûyerê HDP'ê peyamek belav kir û got, "Li Rojava di rêzeya kuştinan de îro Hevseroka Kantona Qamişloyê Yusra Derwêş, cîgira wê Lîman Siwêş û ajokarê erebeyê Firat Tuma hatine kuştin, em vê yekê şermezar dikin. Ev sûîkast li ber çavên hemû dinyayê têne kirin, divê demildest bêne rawestandin û em bang li dinyayê dikin ku bala xwe bidin ser vê derê."