Diyarname
Dewey Şidada ay Bismilê Amedî de dewican dabî pêro û wirdi hetê kewtîbî têmiyan 9 tenî merdîbî.
Eno 15 rocî yo xirecire dewam kena, heto bîn ro zî partî kurdan, saziyê sivîlî kewtê miyan ke înan biyarê werê.
Eyro zî partî kurdan, mebûsê kurdî û endamê saziyanê kurdan dew de bî. Hemserokê DBP'î Saliha Aydeniz û Keskin Bayindir, siyasetmedar Ahmet Turk, heyetê Yeşil Sol Partî û HDP'î şî serdaney malbatanê Taş û Alyamaç ê ke kewtîbî pê. Endamê TJA û Meclisey Dayikanê Aştî jî miyanê heyetî de bî.
Heyet verî şî serdaney malbatey Taş, dimara zî şî serdamey malbata Alyamaç. Siyasetmedar Ahmet Turkî etiya xeberî da û meselay malbatey xwu ra nimûneyke da û vat ke pêkewtiş de 13 tenî merdî, 30 sere dimara werêbiyayiş viraziya, wereka 10 serî verî ma werêbiyayiş birivaştêne. Turkî dimara ana vat, "Wijdanê ma henî çiyan qebûl nêkeno. Eyro wezîfey ma ew o ke ma vernî ro çiyanê anayînan bigîrin. Şarê ma heme nêwazeno hendî ene mesela dewam bikero. Felaketêke pîl viraziyo wo, ma vacin çi zî êşê şima nêbeno kemî la agir biko ra çiya, ew ca veyşeno. Siyasetê ma, partî ma qewbî yewbiyîne tekoşîne dano. Ma qewbî aştî têkoşîne danê.Gere ma enî çiyan bidê vindarnayixî. Gere ma vernî ro xirabî bigîrê. Gere ma destûr nêdê ke ene mesela bibo pîle. Gere ene mesela biqediyo."
Turkî va ke qewbî mesela hel bibo ê hamey tiya û vat ke ê wazenê ene mesela hel bikerê. Xeberdanê wirdî malbatan de zî waştişê aştî bîbî û heyet go serê mesela de hema bixebetiyo.
**
Nûçeyên Eleqedar:
.jpg)
.jpg)
