Diyarname

12'yê meha borî Hevserokên Panosê Emrah Kiliç û Muşerref Geçer hatibûn girtin. Îro ji bo hilbijartina şaredarek nû li nav Meclisa Şaredariyê ya Panosê dengdan hebû. Di dengdanê de Endamê Meclisa Şaredariyê Savci Şahin ê HDP'yî hat hilbjartin û bû Şaredarê Panosê.

18 Endamên Meclisa Şaredarî ya Panosê beşdarî dengdanê bûn.

Berendamê HDP'ê Şahîn Savci 14, berendamê AKP'ê Çetin Taşdemir 4 deng girtin.

Zagon û kirin

Li gor Zagona Rêveberiyên Herêmî ya Tirkiyeyê dema şaredarek ji kar bê girtin, yan jî bi awayekî cihê wî/ê vala bibe ji nav Meclisa Şaredariyê kesek bi dengdanê tê hilbijartin. Lê ji sala 2016'an ve li Tirkiyeyê ev yek nayê kirin. Wezareta Karên Hundir a Tirkiyeyê her şaredarê/a ku ji peywirê girt, di cihê wî/ê kayûm şand ser kar. Ji sala 2019'an heta niha dor 50 şaredirayên HDP'ê bi rêya kayûman hatine desteserkirin. Piştî vê dîrokê yekem car e piştî girtina hevşaredaran dengdan çêdibe û kesek ji nav Meclisa Şaredarî tê hilbijartin.

***

Nûçeya Eleqedar:

- Hevşaredarên Panosê hatin girtin