Diyarname

"Xem" navê pirtûka helbestan a Jan Yekta ye. Pirtûk nû ji Weşanxaneya Sîn derketiye.

Di pirtûka Yekta de dor 70 helbestên cur bi cur hene. Helbestan di helbestan de hezkirina xwe ya ji bo zimanê xwe, welatê xwe kiriye, qala berxwedanê kiriye.

Jan Yekta kî ye?

Jan Yekta ku navê wî yê nasnameyê "Mehmet Alî Koşmat" e di sala 1999'an de li Deştadara yê naveçeya Hezexa Şirnexê hatiye dinê. Dibiskana seretayî li gund, navîn li Hezexê xwendiye û ji ber sedema aborî çûye metropolên Tirkiyeyê. Di sala 2007'an de ji ber sedemên siyasî hatiye girtin û çend mehan girtî maye. Ew niha li gundê xwe dijî.

Ji pirtûkê du helbest:

JÎN

Bargiraniya hepsekî rêwîyê zozanan

westabûna koçerekî

xemsariya kalekî

heps hesretî seknê

koçber hesretî xewê

kal hesretî mirinê

**

RONAHÎ

roniya min, çira û stêrka min

ji te vedixwim ava heyatê

di lêvên te de tehm dikim xweşiya jiyanê

ji bo min her tayekî porê te kulîlkek e

di nav porê te de bêhn dikim biharê

xwe berde nav dilê min, ji xwe re bike mal û hêlîn

bila dilê min germ bibe, bila dilê te şa bibe.

- XEM / Jan Yekta / Weşanxaneya Sîn / Helbest / 80 rûpel / 2023