Diyarname

Eno di rociyo miyanê dewleta Îsraîli û Hamasê Filistînî de şer dewam keno. Ene yewî ser konser û maçê fûtbolî ê miyanneteweyî hamey betalkerdişî.

Di rocî verî Hamasî êrîşê şarê Îsraîlî kerd. Îsraîlî bersiv da û hema şerê miyanê wirdînan de dewam kena. Heta enka wirdî hetan ra zî bi seyan tenî merdê. Û hema jî Gazze û henî cayanê bînan de şer dewam keno. Loma zî tesîr ro xebatanê miyanê neteweyan de keno.

KONSERÊ COHEN BETAL BÎ

Muzîkara îsraîlî Riff Cohen 12'yê ene aşme de, çarçovey Festîvala Muzîkê Gelan a Miyanneteweyî ya Stenbolî ay 5'inan de konser bidayne. La semedê şerî Cohene organîzasyonî ra vat wa konserê min betal bibo û konser betal kerd.

UEFA MAÇÎ BETAL KERDÎ

Eno hewte Ewropa de maçê qeybî şiyayişê Euro 2024'î yenê kaykerdişî. Maçan ra yew zî Îsraîl de bî. Gorey bernamî ra 12'sê aşme de maçey Îsraîl-Swîsre bîbî. UEFA eşkera kerd ke semedê ewlehî maçe qeybî demêke bîne hamiya taloqkerdişî.

UEFA vat ke heta 17'ê ene aşme heme maçê ke Îsraîl de go biyameyne kaykerdişî hema hamey taloqkerdişî.