Diyarname

Ew wayîrê Tesla, SpaceX û X'î (Twitter) yo. Ew mîlyarder o. Ew merdimêke ecêb o. Enka fîlmê enî merdimî go bêro antişî.

Elon Musk 52 sere wo. Endazyor o. Bi kompaniyanê xwu û bi hereketanê xwu her beno rojevê dinya. Enka zî go serê hîkayey jiyaney ê de fîlm bêro antişî. 

Derhêner Dannen Arofonsky ke bi fîlmanê xwu ê bi namey "Black Swan", "The Whale", "Requiem for a Dream", "Pi" yeno naskerdişî, xelata Derhênero Serkewte ay Oscarî zî miyan de zehf xelatî girotê go fîlmê Muskî banco.

Walter Isaacson biyografî Muskî nist bî û kitab eno aşmey êlûne de hame bî çapkerdişî. Senaryoy fîlmî zî enî kitabî ra yena girotişî. Isaacson verî biyografî awankerdoxê Apple Steve Jobs nist bî û serey 2015'inan de bi namey "Steve Jobs" fîlm hamebî antişî. Enka zî fîlmêke bîn kitabê ê ra yeno antişî.

Isaacson ke CEO û serokê verîn ê CNN'î bî, heta enka biyografî Henry Kissinger, Benjamin Franklin, Einstein û ê zehf tenê bînî nist bî.