Diyarname
Li Tirkiyeyê nezî 40 rojnameyên rojane ku weşanê dikin hene. Piştî referandûmê di dehan rojnameyan de qunciknivîskaran li ser referandûmê û her wiha li ser boykotê jî nivîsîn. Mirov dikare bibêje piraniya nivîskaran heq da kurdan. Lê yên ku berevajî tişt gotin jî derketin. Vane ji wan hinek:

Fikret Bila (Milliyet):

Serketina BDP’ê
Encamên referandûmê nîşan didin ku BDP serketî ye.
Li bajarên Başûrêrojhilat hate dîtin ku boykot bi bandor e. Dengdayîna hindik a van bajaran, li Culemêrgê û hin bajaran beşdarî di asta sembolîk de nîşan dide ku xeta Îmralî-PKK-BDP'ê li herêmê serdest e. Her çiqas bê gotin ku sedema boykot3e tirk û zordarî ye jî bi tena serê xwe bi vê yekê mirov nikare bîne ziman. Mirov dikare bibêje ku ji dil beşdariya boykotê di astekê de ye ku mirov piştguh bike. 

***

Asli Aydintaşbaş (Milliyet):

Li Rojhilat boykot bi ser ket. Yên ku boykot nekirin jî gotin erê. Hilbijêrên li Başûrêrojhilat bi 'erê' û boykotê peyameke eşkere dan.
Heyama "Em di lîstika statukoparêziyê de tune ne"... Dewleteke demokratîk mecbûr e vê peyamê fêm bike. Nebîne, bi awayekî cidî li wê derê pirsgirêka temsîliyetê heye.Baş e dikare çi bê kirin? Helbet berî bikeve 2011'an axaftina li ser bendavê ye.
Her wiha encamên referandûmê peyama "berdewamkirina pêşîlêvekirinê" dan.

***

Oral Çalişkar (Radikal)

Kurdan bi "tevgera boykotê" ya bandorker ev peyam dan: "di serdema pêşiya me de di warê demokratîkbûyînê de em jî hene."
Careke din zelal bû ku di warê zagona bingehîn û azadiya de gavên ku bêne avêtin encax kurdan jî bigirin nava xwe wê bi wate bin.
Gel got "erê". Kurdan diyar kirin ku di qebûlkirina nasnameya kurd de gav nayê avêtin.

***

Ahmet İnsel (Radikal):

Li bajarên ku BDP lê xurt e de beşdariya di bin sedî 40'î de bi wate ye. Ev encam careke din nîşan dide ku di çareseriya pirsgirêka kurd de divê girseya ku bi polîtîkaya nasnameya kurd tevdigere muxatab bê girtin.

***

Murat Yetkin (Radikal):

Helbet kesên bi tehdîtê neçûne ser sindoqê, mirov nikare hemû kesên neçûne ser sindoqê dilxwaz bihesibîne. Lê BDP'ya ku berî referandûmê daxwazên xwe anîn ziman piştgirên xwe xistin nav tevgerê.
BDP pêşî di pêşîlêvekirina neserketî ya hikumetê, paşê jî di referandûmê de bi ser ket.

***

Okay Gonensin (Vatan):

Beşeke girîng a hemwelatiyên kurd BDP'ê dişopînin, ev partî ji aliyê çalakbûn û temsîliyetê ve hêza xwe careke din da ceribandin û da qebûlkirin.

***

Ruşen Çakir (Vatan):

Me dît ku stratejiya BDP'ê bi giştî serketî derket, vê partiyê ruştê xwe da îspadkirin. Êdî li Başûrêrojhilat ku pevçûn herî zêde lê pêk tên BDP (Lewre jî PKK) girseyeke wê ya xurt heye, ev yek êdî nayê înkarkirin.

***

Oray Egin (Akşam):

Encamê dawî: Tirkiye ber bi serdemeke zor ve diçe. Tirkiye bi awayekî de facto bû sê parçe û êdî bi awayeke mecbûrî divê pirsgirêka kurd çareser bibe. Komara Tirkiyeyê bi awayekî fiîlî ji sê parçeyan pêk tê. Başûrêrojhilat, Anatoliya Navîn û Qeraxên Tirkiyeyê. Wê federasyon û cudabûn zêdetir bêne nîqaşkirin.

***

Serdar Akinan (Akşam)  

Ocalan hêza xwe nîşan daye. PKK li erdnîgariyeke çiqas serdest e ev yek nîşan daye. Tirkiye îro li gor duh zêdetir parçe bûye, ji aliyê mejî û erdnîgarî ve bi awayekî eşkere parve bûye.

***

Ali Bulaç (Zaman):

Helbet ne mimkûn e mirov bibêje boykota BDP'ê li Rojhilat û Başûrêrojhilat bi ser neket. Lê beşdarî sedî 35 çêbû û yên çûn cem sindoqê dengê erê bikar anîn.

***

Markar Esayan (Taraf):

Di boykota ku bi tu awayî min erê nekir, hedefa wê fêm nekir de bi ser ket (sedî 60). Ev encameke bi stirî ye. Di dema ku xwestin giraniya kurdan a di siyasetê de nîşan bidin, pekiyan derveyî siyasetê. Di dema ku welat ji cihek girîng re derbas dibe de 'erê'yên xwe nedan, berevajî hedefa xwe, di siyasetê de hêz kêm kirin. Yanê siyaseta xwe ya di pêşerojê de xwe li ser xeta CHP-MHP'ê de dîtin. Siyaseta kurd di asteke ser û bino bûnê de ye.
***

Yildiray Ogur (Taraf):

Siyaseta kurd wekî kîvroşk ji çiya xwediyike lê haya çiyê jê nîn e çêbû. Tirkiye bêyî wan jî diguhere. (..) Kurd bi zor bela ji hukma leşkerî ya tirk xilas bûne, divê bi hukma serdestiya leşkeriya kurd neyê cezakirin.

***

Nûçeyên eleqedar:

- Vaye bajar bi bajar serketina BOYKOT'ê

- Saet 18.45, Li Amedê Boykot sedî 70 ye

- Saet 17.00: Notên ji bajarên kurdan

- Saet 16.00: Notên li ser referandûmê

- Li herêmê 'boykot' serdest e