Diyarname
Piştî desthilatdariya 30 salan a Husnu Mubarek, encama hilbijartina ji bo serokomariyê hatin eşkerekirin. Di hilbijartinê de berendamê Partiya Edalet û Hurriyetê Mihemed Mursî bi ser ket.

Li Misrê di dora duyemîn a hilbijartina ji bo serokomariyê de berendamê Partiya Edalet û Hurriyetê Mihemed Mursî (Mislimanên Bira piştgiriyê didin) û Ahmet Şefik (Serokwezîrê dema Husnu Mubarek) bi hev re ketibûn hilbijartinê.
Serokê Komîsyona Hilbijartina Serokomariya Misrê Faruk Siltan encam eşkere kir. Li gor gotina Siltan 25 mîlyon û 577 hezar û 511 deng wekî erê hatine qebûlkirin û bi giştî jî sedî 51,85 kes beşdarî dengdanê bûne.

Siltan got ku Mihemed Mursî sedî 51,3'yê dengan girtiye û bi ser ketiye. Her wiha Ahmet Şefik jî sedî 48.7 deng girtiye.

Piştî serokomariya Mursî hat eşkerekirin li Qada Tehrîrê şahiya serketinê li dar ket.