Diyarname

1'emîn Festîvala Fîlmên Kurdî ya Dusseldorfê 25'ê vê mehê dest pê dike. Festîval heta 28'ê mehê Wê li dar be. Di çarçoveya fesTîvalê de li dor 30 fîlmên metrajdirêj, kurtefîlm û belgefîlm wê bêne nîşandayîn.

Mijara bingehîn a festîvalê kurdên êzîdî ne. Amadekarên festîvalê Art Record wisa gotiye, "Di vê festîvala me ya yekemîn de mijara me ya bingehîn Şengal, Kurdistan û hemû êzîdiyên li diasporayê ne. Di nav bernameyê de fîlmên li ser fermana êzîdiyan û jiyana wan hene."

BI 'ROJBAŞ'Ê DEST PÊ DIKE

Festîval roja 25'ê mehê li Sînemaya UFA Palastê bi nîşandayîna belgefîlmê "Rojbaş" dest pê dike. Lîstikvanên Navenda Çanda Mezopotamyayê 25 sal berê lîstika şanoyê bi navê "Rojbaş" lîstine.  Piştî 25 salan derhêner Ozkan Kuçuk ew anîne ba hev û li ser vê mijarê belgefîlmê xwe saz kiriye. Derhêner Kuçuk û lîstikvanên belgefîlmî jî di dema nîşandayînê de amade bin.

Li aliyê din mebûsa berê ya DEM Partî Feleknas Ûca ku ew jî êzîdî ye wê beşdarî merasima destpêkirina festîvalê bibe.

FÎLMÊN LI SER KURDÊN ÊZÎDÎ

Di festîvalê de fîlmê "Melekên Şengalê" ku li ser komkujiya êzîdiyan hatiye kişandin û di Festîvala Fîlman a Mafên Mirovan a Navneteweyî de xelat girtibû jî wê bê nîşandayîn. Hanna Polak ku amadekara fesTîvalê ye piştî nîşandayînê wê beşdarî gotûbêjê bibe.

"Heza", "Love In The Face of Genocide", "The Return: life after ISIS", "Nameyên ji Şengalê" hin fîlm û belgefîlmên li ser komkujiya êzîdiyan in ku dê bênenîşandayîn.

Di çarçoveya festîvalê de pêşangeheke wêneyan a li ser êzidiyan jî wê bê vekirin û heta dawiya festîvalê vekirî be.

PANEL Û GOTÛBÊJ

Roja 25'ê mehê Li ser êzîdiyan panelek li dar dikeve. nûnerên Komeleya Êzidiyan, xebatkarên Çira TV û parêzer Heike Geiswald wê wekî axifger beşdar bibin.

Li pirtukxaneya BiBaZu ya li taxa Bilk a Dusseldorfê (26'ê mehê) bi navê "Sînemaya kurdan, ziman û girîngiya festivalên fîlman" wê gotûbêjek li dar bikeve. Derhêner û sînemager Ozkan Kuçuk, Mano Xelîl, Safinaz Evdikê, Ersin Çelik û Ozgur Rayzan wê beşdar bibin.

Roja şemî (27'ê mehê) li heman cihî wê danasîna pirtûkê nivîskarê me Helîm Yûsiv "99 zerstreute Perlen" bê kirin.

Festîval 28'ê mehê bi dawî dibe.

Ji bo agahiyên zêdetir: 

dkff.de