Silêmanî
Li Silêmaniyê pêşangehek şêwekarî ji bo hunermendên rojhilatê Kurdistanê û hunermendên îranê hat vekirin. Piraniya tabloyên hatîn xêzkirin ji aliyê jinan ve hatine çêkirin. Pêşangeha ku 6'ê mehê vebû, heta hefteyek her roj di navbera saetên 10:00-18:00’an wê vekirî be.
Pêşangeh li Muzexaneya Emnesoreke ya Silêmaniyê vebû ku êşangeh ji aliyê Navenda Heft Reng hatiye organîzekirin. Di pêşangehên de tabloyên hunermendên kurd ên ji rojhilatê Kurdistanê û hunermendên Îranê hene.
Yek ji amadekarên pêşangehê Azade Muradî li ser pêşangehê ji bo Rojnewsê wisa gotiye: “Ez gelek kêfxweş im ku yekem car e li Silêmaniyê pêşangehek bi vî rengî vedikin. Girîngiya vê pêşangehê danûstandina çandî ya di navbera welatan û hunermendan de ye.”
Azade Muradî spasiya xelkê Kurdistanê kir û got: “Xelkê Kurdistanê pêşwaziyek germ li me kir. Me di pêşangehê de zêdetirî 100 tablo nîşan dane, piraniya wan ji aliyê jinan ve hatine çêkirin.”
Hunermend Hamidî Wusuqî ku xelkê bajarê Seqizê ye û bi tabloyên xwe tevlî pêşangehê bûye, got: “Ez bi 9 tabloyan tevlî vê pêşangehê bûme. Min piraniya tabloyên xwe li nava xwezaya Kurdistanê de çêkirine. Li gor min xweza ji bo mirovan dayîk e. Erkê hemû hunermendan e di karê xwe de girîngiyê bi xwezaya Kurdistanê bidin.”