Diyarname
Li Kuçeya Hunerê ya Amedê bi navê Pine Kafe heye ku xwediyê wê Ramazan Şimşek e. Şimşek çend roj berê ji bo çapemenî ragihandibû ku ew bi mişteriyên xwe re bi kurdî xeber didin. Şimşek îro hat binçavkirin.
Şimşek di Rojên Cejna Zimanê eşkere kiribû ku ew bi mişteriyên xwe re tenê bi kurdî xeber didin. Piştî vê yekê li tora civakî li hemberî wî êrîş çêbûbûn, yên ku tehdîd kiribûn, yên ku banga polîs û dozgerina jî kiribûn derketibûn holê. 
Şimşek duh jî bi ser hesaba xwe ya tora civakî re jî eşkere kiribû ku daxuyaniya wî şaş hatiye fêmkirin, yan jî bi taybetî berevajî kirine û gotibû, "Em ne dijî zimanên din in, bi taybetî ne dijî tirkî ne. Em dijî nijadperestî bi xwe ne. Em dibêjin zimanê kurdî di xetereyê de ye. Li hemberî xetereyê em bi zimanê xwe bipeyivin, xizmetê jî em bi zimanê xwe bikin. Yên bi tirkî dipeyivin dikarin bipeyivin, dikarin bi me re jî bipeyiyivin, Lê em bi kurdî bersivê didin. Armanca me ew e em balê bikişînin ser zimanê kurdî."
Û îro polîsan bi ser kafeyê de girt û Ramazan Şimşek girt bin çavan.

BAKIRHAN XWEDÎ LI PÎNE CAFEYÊ DERKET
Hevserokê DEM Partî Tuncer Bakirhan bi ser hesabê xwe yê X'ê re bi kurdî peyamek belav kir û got, "Ji ber xizmeta bi zimanê dayikê êrîş birine ser Pîne Çand Kafeyê û xwediyê Kafeyê jî hatiye girtin. Em van zordarî û bêtehemuliyê şermezar dikin. Em dizanin ku ev êrîş bingeha xwe ji neyartiya li kurdan û li kurdî distîne û bi sedan sal in ev polîtîka li dar e. 
Îsal me bi şiyara Her Dem Kurdî, Her Der Kurdî Cejna Zimanê Kurdî pîroz kir û Pîne Çand Kafeyê jî xizmeta xwe bi temamî bi zimanê dayikê dida. Ev ji bo me şanazî û rûmet e. Lewma divê em xwedî li zimanê xwe derkevin û van polîtîkayên qirêj pûç derxin."
Bakirhan di dawî de got, "Pîne Çand Kafe mala me ye."

HATIMOGULLARI: XIZMETA BI KURDÎ NE SÛC E
Li aliyê din Hevseroka DEM Partî Tulay Hatimogullari jî di peyama belav kir de got, "Bi kurdî xizmet dayîn ne sûc e. Li Amedê êrîşa li ser Pine Kafeyê nayê qebûlkirin. Ev êrîş di serî de li hemebrî gelê kurd, zimanê kurdî û êrîşa li hemberî hemû zimanên zikmakî ye. Bila xewdiyê Pîne Kafeyê Ramazan Şimşek di cih de bê berdan.

BAROYA AMEDÊ: EMÊ XWEDÎ LÊ DERÊN
Li ser girtina Şîmşek Baroya Amedê daxuyaniya nivîskî belav kir û got ewê piştgiriya hiqûqî bidinê.
Baroyê li hemberî zimanê kurdî bêtehamulî derketiye holê, cudakarî xwe nîşan daye, ligel ku bi zimanê kurdî xizmetkirin karekî meşrû û zagoniye jî bi îdîaya sûc kiriye ew hatiye binçavkirin. 
Baroya Amedê di dawiyê di wisa got, "Em bang dikin ku dawî li zordariyên li ser kurdî bînin, astengiyên li pêşiya kurdî ku nahêlin li li saziyên dewletê bêne bikaranîn bêne rakirin, dawî li kirinên li pêşiya xizmetên bi zimanên din bînin, tenê ji ber vê yekê jî xebatkarên kafeyê divê di cih de bê berdan."

Va ye ew vîdyo: