Diyarname
UEFA'yê di Lîga Şampiyonan de 11 lîstikvanên herî serketî hilbijartin. Lê di nav van de lîstikvanê Real Madridê Vinicius Junior wekî yê herî serketî hat hilbijartin.
Di Lîga Şampiyonan a UEFA'yê de Real Madridê tîma Borussia Dortmun têk bir û bû şampiyonê şampiyonan. Ji bo îsal piştî bi dawîbûna lîgê, UEFA'yê jî nirxandina xwe kir û di turnuvaya îsal de 11 lîstikvanên herî serketî hilbijart. Koma çavdêr a teknîkê ya UEFA'yê ev hilbijartin pêkaniye. 
Ji Real Madridê 4 lîstikvan, ji Borussia Dortmundê jî 4 lîstikvan ketine lîsteyê. Yên din ji Bayer Munih, Manchester City û PSG'yê jî her yek lîstikvanek ketine lîsteyê.
Va ne 11'ên serketî:
Ji Borussia Dortmundê qeleparêz Gregor Kobel hat hilbijartin. 
Dûre bi rêzê Dani Carvajal (Real Madrid), Antonio Rudiger (Real Madrid), Mats Hummels (Borussia Dortmund), Ian Maatsen (Borussia Dortmund), Marcel Sabitzer (Borussia Dortmund), Vitinha (PSG), Jude Bellingham (Real Madrid), Phil Foden (Manchester City), Harry Kane (Bayern Munih), Vinicius Juniorî (Real Madrid) cih girt.
Li aliyê din lîstikvanê Real Madridê Jude Bellingham wekî lîstikvanê herî ciwan ê serketî hat hilbijartin
Vinicius Juniorî ku wekî lîstikvanê herî serketî bûye yekemin di 10 maçên Lîga Şampiyonan a îsal de 6 gol avêtine û 5 jî asist kirine, loma ev xelat heq kiriye.

**

Nûçeyên Eleqedar:

- Ew her dibêje 'Ev kûpa a min e'

- Kûpaya Yekemîn îro digihîje xwediyê xwe

- Almanan zora fransizan bir

- Tîmên wê herin Îngilistanê diyar bûn

- Di 'şerê mezinan' de 10 gol hebûn

-  

Vîdeoya vê rojê...