Fransiz û hollandiyan nekarîn bi hev

Diyarname
Euro 2024 bi 3 maçan didome. Di Koma D de Polonya û Avusturya hatin hemberî hev. Avusturya bi 3-1 bi ser ket. Hollanda û Fransa saet 22'yan de tên hemberî hev. Di Koma E de Ûkdaynayê Slovakya bi 2-1 têk bir.
Di Koma D her du tîm Hollanda û Fransa xwedî 3 pûanan in. Kîjan tîm bi ser bikeve berî maça sêyemîn mafê çûna Dora 16'an bi dest dixe.
Koma E tevlihev bû
Di maça yekem a îro de Ukrayna û Slovakya hatin hemberî hev. Ukrayna bi 2-1 bi ser ket û hesabên koma E hemû tevlihev bûn.
Bi vê encamê di dawiya maçên duyemîn de Belçîkê bê pûanan e, lê Slovakya, Romanya û Ukrayna her yek xwedî 3 pûanan e. Sibê maça Belçika û Romanyayê heye. Belçika bi ser bikeve, rewş dê hê tevlihev bibe. Lê Romanya bi ser bikeve, dê ji komê derê.
Di maçê de îro de Slovakya di deqîqeya 17'an de bi Schranzî bi 1-0 derket pêş lê nikarî vê serketina xwe biparêze. Ûkraynayê di deqîqeya 54'an de bi Shaparenko wekhevî saz kir û di deqîqeya 80'ê de Yaremchukî hêviyeke mezin da Ûkraynayê: 2-1.

Avusturyayê Polonya şand mal
Di maça Koma D de Avusturya û Polonya hatin hemberî hev. Avusturyayê di deqîqeya 9'an bi gola Trauner, di deqîqeya 67'an de bi gola Baumgartner û di deqîqeya 78'an de bi penaltiya Arnautovic 3 gol avêtin. Tekane gola Polonyayê di deqîqeya 30'î de Piatek avêt.
Bi vê yekê Avusturyayê yekemin serketina xwe bi dest xist û herî hindik hêviya xwe hişt maça sêyemîn. Lê yê Polonyayê êdî derfeta ji derketina komê nema. Ewê maça xwe ya sêyem bilîzin û vegerin mala xwe.

Fransiz û hollandiyan nekarîn bi hev
Di Koma D de kîjan tîm bi ser biketa raste rast derbasî Dora 16'an dibû, lê nebû; her du wekhev man û hemû hêvî man maçên sêyemîn..
Maç di navbera Fransa û Hollandayê de bû. Fransizan zêdetir firsend bi dest xistin lê bi ser neketin. Hollandayê golek avêt lê bi sedema ofsideyê betal bû. Û encam: 0-0.
Bi vî awayî di dawiya maçên duyem de Holland û Fransa her yek bû xwedî 4 pûanan. Avusturya xwedî 3 pûanan û Polonya bê pûanan e.
Di maçên sêyem de Fransa û Polonya, Hollanda û Avusturya roja 25'ê mehê ji bo derbasbûna Dora 16'an dê bi hev re bilîzin.