Diyarname
Li Îngilistanê ji bo teşwîqkirina temaşekirina fîlman "Roja Sînemayê ya Neteweyî" ragihandin û di ve çarçoveyê de 31'ê meha çûyî fîlmên li di vîzyonê de gelek hatibûn temaşekirin nîşan dan.
Li welat ji 630 sînemayî zêdetir sînema beşdarî vê çalakiyê bûn. Salonên sînemayê ku di nav yên mezin de cih digirin, dîsa salonên wekî Vue, ODEON û Cineworld, dîsa salonên serbixwe yên biçûktir wekî Curzon, Reel û HOME jî di vê çalakiyê de cih girtin. Fîlm bi 4 stelînî hatin nîşandayîn.
Ev çalakî yekem car di sala 2022'yan de ji aliyê Cinema First ve bi piştgiriya Komeleya Dîstrîbuturên Fîlman û Komeleya Sînemayê ya Îngilistanê ve hat li dar xistin. Wê çaxê bi buhayeke erzan bilêt hatin firotin û 1,46 mîlyon heb bilêt hatin firotin ku ev yek sê qatê bilêtên ku di rojek de dihatin firotin bû.
Di sala 2023'yan de, yanê di sala diduyan a vê çalakiyê de sedî 6 eleqe zêde bû û 1,56 mîlyon bilêt hatin firotin, 5,2 mîlyon sterlîn pere ketin bêrîka sînemayan.
Îsal berî ya sisêyan li dar bikve Serokê Cinema Firstê Iain Jacob, gotibû, "Roja Sînemayê ya Neteweyî li nav welat kêfgirtina ji sînemayê û civakîbûna wê ber bi pêş ve dibe û ev yek hêdî hêdî li Îngilistanê dibe çandek. Ev çalakiya me her sal berfirehtir dibe û em dizanin dê ya 2024'an ya herî baş be."
Li aliyê din li Fransayê ji sala 1985'an ve çalakiyeke bi vî rengî li dar dikeve. Li Almanyayê îsal çalakiyek ji bo sînemayê hatin lidar xistin.