Diyarname
Civaka Kurd a Almanya Şaxa Eyaleta Baden Wutembergê û Enstîtuya Lêkolînên Jenosîd û Aştiyê, bi piştgiriya Wezareta Dewletê û Bajarê Stuttgartê, merasima bîranînê bi navê "10 Sal Piştî Jenosîdê - Êzdî li Baden Wurtembergê" li dar ket.
Di bîranînê hem hemû qurbaniyên jenosîda êzdiyan a beriya deh salan hatin bi bîranîn û hem jî entegrasyona serkeftî ya qurbaniyên li eyaleta Baden-Wurttembergê hat pîrozkirin.
Axaftina pêşî ji aliyê Serokê Civaka Kurdî ya Eyaleta Baden-Wurttembergê Turan Tekin û Seroka Parlamentoya Baden Wurttembergê Muhterrem Aras ve hatin kirin. Wezîrê Federal ê Xwedîkirin û Çandiniyê Cem Ozdemir jî bi vîdeoyek beşdarî merasimê bû. Şaredara Karûbarên Civakî, Tenduristî û Entegrasyonê ya Bajarê Stuttgartê Dr. Alexandra Sußmann jî ji bo beşdaran qala girîngiya piştgirî û tekoşîna ji bo êzdiyan kir.
Erdewan Ebdî, Semîra Ebdî, Anhar Khudher Atheeb û Besma Alsilo ku ji jenosîdê rizgar bûbûn qala serpêhatiyên xwe kirin. Wan behsa ezmûn û destpêka jiyana xwe ya nû ya piştî jenosîdê ya li Almanyayê kirin.
Hunermend Pervin Chakar jî ligel piyanîst Turku Su Dilan Ozkaya li merasimê soprano gotin.
Di merasimê de gelek kesayetiyan ji bo xebatên wan ên berbiçav ên ji bo mafên êzdiyan xelat girtin. 
Dr. Michael Blume, Prof. Dr. Dr. Jan Ilhan Kizilhan  ji ber xebatên wan ên ji bo êzîdiyan hatin xelatkirin. Dîsa rojnameya Schwaebische Zeitung bi nûnertiya Dr. Hendrik Groth û Ludger Moellers ji bo ragihandina xwe ya rojnamegerî hatin xelatkirin.  Cîgirê Serokê Civaka Kurd a Almanyayê (KGD) Mehmet Tanriverdive pesnê wan da. Bischkusch Tahir ku wergêr û karmenda alîkariya taybet ji bo xebatên xwe yên berbiçav û dirêj e xelat girt. 
Hikumeta Eyaleya Baden Wurtenberg piştî jenosîda êzdiyan a 2014’ê ya ji aliyê DAIŞ'ê ve 1100 keçên hatibûn revandin û piştre rizgar bûbûn anîbû û li nava eyaletê bi cih kitibûn. Di vê projeyê de Prof. Dr. Dr. Jan Ilhan Kizilhan pêşengî kiribû. Xwediya Xelata Nobelê Nadia Murad jî yek ji wan qurbaniyan bû ku di çarçoweya wê projeyê de li vê eyaletê bi cih bûbû.